1 Samuel 5:10 - MUMA MALER 2015

¹⁰ Omiyo ne gikowo sanduk mar Nyasaye Ekron. Kane ochopo Ekron, jo-Ekron noywak, kawacho niya, “Gisekelo Sanduk mar Nyasach Israel kuomwa mondo onegwa waduto.”

Motingʼo Loko Manyien

¹⁰ Omiyo ne gitero Sandug Muma mar Nyasaye Ekron. Kane Sandug Muma mar Nyasaye nidonjogo Ekron, jo-Ekron noywak kawacho niya, “Gisekelo Sandug Muma mar Nyasach jo-Israel kuomwa mondo onegwa kaachiel gi jowa.”

1 Samuel 5:10 ပူးပေါင်းရင်းမြစ်များ

2 Samuel 7:9

Asebet kodi kuonde duto midhiye, kendo asetiekoni wasiki duto. Koro abiro miyo nyingi bedo gi huma maduong’, ka humb joma dongo mag piny,

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

1 Weche mag Ndalo 7:21

to Tahath nonywolo Zabad, to Zabad nonywolo Shuthela. Yawuot Efraim moko ne gin Ezer gi Elead, mane jo-Gath onego kodhi peyo jamni.

Amos 1:8

kendo abiro riembo jodong mier mag Ashdod gi Ashkelon. Anakum dala mar Ekron, kendo jo-Filistia duto modong’ notho.” Mano e wach Ruoth Nyasaye.

Amos 6:2

dhiuru uneye Kalne mi uchwe nyaka Hamath, eka ulor udhi Gath e piny jo-Filistia. Uparo ni uber moloyo jo-pinjego? Koso pinyu duong’ moloyo pinjegi?

Joshua 13:3

(Pinyno duto chakre Shihor yo wuok chieng’ mar Misri, nyaka Ekron yo nyandwat, ikwano ka piny Kanaan. To ruodhi mag jo-Filistia ma nodak Gaza gi Ashdod gi Ashkelon gi Gath kod Ekron ema ne weg pinyno.) “Piny jo-Avim duto

Joshua 15:11

Eka nochomo yo nyandwat nyaka Efron, mogomo kochiko Shikeron. Bang’ mano nokadho got Baala, kendo nodhi Jabneel, mogik e Nam Mediterenia.

Joshua 15:45

Ekron bende ne margi

Jong’ad Bura 1:18

To jo-Juda ne ok okawo Gaza gi Ashkelon gi Ekron, kata gwengegi.

1 Samuel 17:52

Jo-Israel gi jo-Juda nogiyo sigich lweny, mi giriembo jo-Filistia nyaka Gath kod dhoranga Ekron. Ringre jo-Filistia mane onegi noriere e yo, chakre Shaarim nyaka Gath kod Ekron.

1 Samuel 5:11

Emomiyo ne giluongo ruodhi duto mag jo-Filistia, mi giwachonigi niya, “Dwokuru Sanduk mar Nyasach Israel kare, mondo kik onegwa waduto.” Ji mang’eny notho e dalano, nikech Nyasaye nosandogi malit.

1 Samuel 5:9

Kane gisetere, eka Nyasaye nochako sando jo-Gath ahinya. Nogoyo jodalano, matindo gi madongo gi tuo mar buche mokwodogi.

1 Samuel 6:1

Kane Sanduk Mar Ruoth Nyasaye osebedo e piny Filistia moromo dueche abiriyo,