1 Samuel 4:19 - MUMA MALER 2015

¹⁹ Noyudo ka chi Finehas ma wuod Eli nigi ich, mogik nywol. To kane owinjo ni Sanduk mar Nyasaye osekaw, kendo kwar mare kod chwore josetho, nopo ka muoch kaye, mi nobet piny monywol.

Motingʼo Loko Manyien

¹⁹ Chi wuode, ma jaod Finehas, ne nigi ich mochiegni nywol. To kane owinjo wach ni Sandug Muma mar Nyasaye osekaw kendo ni kwar mare gi chwore osetho, muoch nochako kaye mi nonywol, kata kamano nywolne nobiro marach.

1 Samuel 4:19 ပူးပေါင်းရင်းမြစ်များ

Chakruok 3:16

Eka nowacho ni dhako niya, “Anamedni chandruok ka in gi ich, kendo muoch nokayi kinyuol. Kata kamano inigomb mondo ibed gi chwori, to enobed ng’ama chiki.”

Chakruok 35:17

Kane muoch kaye kamano, jacholo nojiwe niya, “Kik iluor, nikech eri inywolo wuowi machielo.”

1 Ruodhi 14:1

E ndalogo Abija wuod Jeroboam ne tuo.

Zaburi 78:64

Jonabi ne onegi gi ligangla, kendo mondgi ne ok nyal ywagogi.

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

1 Samuel 4:18

Kane Eli owinjo wach Sanduk mar Nyasaye, nogore piny ataro, koa e kom ma nobetie but rangach, mi ng’ute notur, motho nikech ne en jaduong’ moti, kendo nopek. Nosebedo jang’ad bura ni jo-Israel kuom higni piero ang’wen.

1 Samuel 4:20

To nohewore ahinya modwaro tho, mi mon mane chole nokone niya, “Kik iluor, isenywolo wuowi.” To ne ok odwoko wach, kata dewo ne ok odewo.