1 Samuel 4:18 - MUMA MALER 2015

¹⁸ Kane Eli owinjo wach Sanduk mar Nyasaye, nogore piny ataro, koa e kom ma nobetie but rangach, mi ng’ute notur, motho nikech ne en jaduong’ moti, kendo nopek. Nosebedo jang’ad bura ni jo-Israel kuom higni piero ang’wen.

Motingʼo Loko Manyien

¹⁸ Kane ohulo wach mar Sandug Muma mar Nyasaye, Eli nogore piny ataro koa e kom manobetie e bath rangach. Ngʼute ne otur mi notho, nikech ne oti kendo ne ochwe. Ne osetelo ne Israel kuom higni piero angʼwen.

1 Samuel 4:18 ပူးပေါင်းရင်းမြစ်များ

Zaburi 42:10

Gigoyona siboi, kendo ginyiera, ka athagora. Odiechieng’ duto gipenja niya, “Nyasachi nogo ni kanye?”

Zaburi 42:3

Aywak odiechieng gotieno, kendo pi wang’a kende e chiemba, nimar seche duto wasika penja niya, “Nyasachi nogo ni kanye?”

Zaburi 69:9

Hera ma aherogo Hekalu mari wang’o chunya ka mach, kendo ayany ma ji yanyigo ema koro iyanyago.

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Jong’ad Bura 15:20

Samson nobedo jatelo e Israel kuom higni piero ariyo, e ndalo mane jo-Filistia rito pinyno.

1 Samuel 4:13

E sa ma nochopoe, Eli noyudo obet e kom e dir yo, kang’icho, nikech chunye ne ridore, koparo Sanduk mar Nyasaye. Kane jalo odonjo e dala, monyiso ji wach, dala duto noywak,

1 Samuel 4:17

Ng’atno nodwoke niya, “Jo-Israel oringo jo-Filistia, kendo oseneggi gi nek malich. Hofni gi Finehas yawuoti, bende josetho. Kendo Sanduk mar Nyasaye osekaw.”

1 Samuel 4:19

Noyudo ka chi Finehas ma wuod Eli nigi ich, mogik nywol. To kane owinjo ni Sanduk mar Nyasaye osekaw, kendo kwar mare kod chwore josetho, nopo ka muoch kaye, mi nobet piny monywol.