1 Samuel 31:9 - MUMA MALER 2015

⁹ Ne ging’ado wiye oko, kendo ne gikawo gige mag lweny. Eka ne gioro joote e piny jo-Filistia duto, mondo oter wach maberno ni nyisechegi kod jopinygi.

Motingʼo Loko Manyien

⁹ Negingʼado wiye oko kendo ne gilonyo gige mag lweny, bangʼe negioro joote e piny jo-Filistia duto ka gioro wach mondo oter wach e hekalu mag nyisechegi kendo ni jopinygi.

1 Samuel 31:9 ပူးပေါင်းရင်းမြစ်များ

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

1 Samuel 17:51

Eka noringo mochung’ kuom ja-Filistiano, kendo nowuodho ligangla ng’atno e olalo, mong’adogo wiye oko. Kane jo-Filistia oneno ni thwon-gi osetho, ne giringo.

1 Samuel 17:54

Daudi nokwayo wi ja-Filistia cha, motero Jerusalem, to gik ng’atno mag lweny, nokano e hembe.

1 Samuel 31:4

Saulo nowacho ni jating’ne gi lweny niya, “Wuodh liganglani, inegago, nono to joma kia Nyasayegi biro chwowa, kendo nyiera.” To jalo nodagi, nikech noluor ahinya. Emomiyo Saulo nomako liganglane owuon, mochwoworee.

1 Samuel 31:8

Kinyne, kane jo-Filistia obiro dedo jomotho, ne giyudo ringre Saulo gi ringre yawuote adek, koriere e got Gilboa.