1 Samuel 31:6 - MUMA MALER 2015

⁶ Kamano, Saulo, kaachiel gi yawuote adek, gi jating’ne gi lweny, kod joge duto, notho chieng’no.

Motingʼo Loko Manyien

⁶ Kamano Saulo gi yawuote adek gi jatingʼne gige lweny kod joode duto notho kaachiel e odiechiengʼno.

1 Samuel 31:6 ပူးပေါင်းရင်းမြစ်များ

2 Samuel 1:1

Kane Daudi oseduogo koa nego jo-Amalek, nonindo Ziklag ndalo ariyo.

2 Samuel 1:12

Ne gisedo ka giywago Saulo gi Jonathan wuode kod jo-Ruoth Nyasaye, ma tiende ni jo-Israel. Bende ne gitueyo chiemo nyaka piny oyuso, ka giparo joma otho e lwenygo.

1 Weche mag Ndalo 10:6

Kamano Saulo notho kaachiel gi yawuote adek kod joode duto chieng’ achiel.

Jong’ad Bura 9:54

Eka noluongo wuowi mane jating’ne gi lweny piyopiyo, mowachone niya, “Wuodh liganglani, inegago, nimar dipo ka ji owacho ni dhako ema onega.” Kamano wuowino nochwowe, motho.

1 Samuel 11:15

Kamano ji duto nodhi Gilgal, kendo ne giketo Saulo ruoth e nyim Ruoth Nyasaye kuno. Ne gitimo ni Ruoth Nyasaye misengni mag sawo, kendo Saulo kod jo-Israel duto nobedo mamor ahinya.

1 Samuel 12:17

Donge en ndalo kwayo Ruoth Nyasaye mondo omi polo omor, kendo koth ochue, mi ubiro neno kendo ng’eyo kaka nuketho ahinya kuom kwayo mondo ubed gi ruoth maritou.”

1 Samuel 12:25

To kusiko kutimo richo, to obiro tiekou kaachiel gi ruodhu.”

1 Samuel 26:10

Eka nomedo wacho niya, “Gi nying Ruoth Nyasaye, Ruoth Nyasaye ema chieng’ notieke, kata ka chieng’ thone ochopo, kata kodhi e lweny.

1 Samuel 28:19

To bende Ruoth Nyasaye biro chiwi kaachiel gi jo-Israel e lwet jo-Filistia, kendo kiny inibed koda ka, kaachiel gi yawuoti. Adier, Ruoth Nyasaye biro chiwo oganda lweny mar Israel e lwet jo-Filistia.”

1 Samuel 31:5

To kane jating’ne gi lweny oneno ni Saulo osetho, en bende nochwowore e liganglane, motho gi kanyo.

1 Samuel 31:7

Kane jo-Isreal mane odak e holo machielo, kaachiel gi joma nodak loka Jordan, oneno ni jolwenj Israel oseringo, kendo ni Saulo gi yawuote josetho, ne gibolo miechgi kanyo, mi gin bende ne giringo. Bang’e jo-Filistia nobiro, modak e miergo.