1 Samuel 31:4 - MUMA MALER 2015

⁴ Saulo nowacho ni jating’ne gi lweny niya, “Wuodh liganglani, inegago, nono to joma kia Nyasayegi biro chwowa, kendo nyiera.” To jalo nodagi, nikech noluor ahinya. Emomiyo Saulo nomako liganglane owuon, mochwoworee.

Motingʼo Loko Manyien

⁴ Saulo nowacho ni jatingʼne gige lweny niya, “Wuodh liganglani mondo inega, nono to joma ok oter nyangigi biro nega kendo yanya.” To jatingʼne gige lweny ne luoro omako kendo ne ok onyal timo kamano, omiyo Saulo nokawo liganglane owuon mochwoworego.

1 Samuel 31:4 ပူးပေါင်းရင်းမြစ်များ

2 Samuel 1:1

Kane Daudi oseduogo koa nego jo-Amalek, nonindo Ziklag ndalo ariyo.

2 Samuel 1:14

Daudi nowachone ni, “Marang’o ne ok iluoro tero lweti kuom ruoth mowir ma Ruoth Nyasaye oyiero?”

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

2 Samuel 1:6

Wuowino nowacho niya, “Noyudo an e got Gilboa, kendo naneno Saulo kosirore gi tong’e, to geche lweny gi joidh farese lwore machiegni.

2 Samuel 17:23

Kane Ahithofel oneno ni Absalom ok oluwo rieko ma nong’adone, noidho kanje, modok thurgi nyaka dalane. Nolamo gige ni joode, mi nodere, motho. Ne giyike but wuon mare.

2 Samuel 21:12

nodhi mokawo choke Saulo kod choke Jonathan wuod Saulo kuom jo-Jabesh-gilead. Noyudo jo-Jabesh-gilead osekawogi ling’ling’ e paw dala mar Bethshan, kama jo-Filistia nolierogie bang’ nego Saulo Gilboa.

1 Ruodhi 16:18

To kane Zimri oneno ni dala osekaw, nodonjo e od ruoth, mochwinyo mach kuom odno, motho kanyo.

1 Ruodhi 16:27

Koro weche moko mag Omri, gi tekone ma nonyiso, ondik e Kitap Weche mag Ndalo mag Ruodhi mag Israel.

1 Weche mag Ndalo 10:4

Saulo nowacho ni jating’ne gilweny niya, “Wuodh liganglani inegago, nono to joma kia Nyasayegi, biro nyiera.” To jating’ gilwenje nodagi, nikech noluor ahinya. Emomiyo Saulo nomako liganglane owuon, mochwoworee.

Jong’ad Bura 14:3

To jonywolne nodwoke niya, “Ang’o momiyo idwaro kendo nyar jo-Filistia ma ok oter nyangugi? Donge nitie nyako moro kuom nyi oweteni, kata kuom jowa?” To Samson nowacho ni wuon mare ni, “Nywomnago, nikech ahere.”

Jong’ad Bura 9:54

Eka noluongo wuowi mane jating’ne gi lweny piyopiyo, mowachone niya, “Wuodh liganglani, inegago, nimar dipo ka ji owacho ni dhako ema onega.” Kamano wuowino nochwowe, motho.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”

1 Samuel 26:10

Eka nomedo wacho niya, “Gi nying Ruoth Nyasaye, Ruoth Nyasaye ema chieng’ notieke, kata ka chieng’ thone ochopo, kata kodhi e lweny.

1 Samuel 31:5

To kane jating’ne gi lweny oneno ni Saulo osetho, en bende nochwowore e liganglane, motho gi kanyo.