1 Samuel 31:10 - MUMA MALER 2015

¹⁰ Ne giketo gik Saulo mag lweny e od nyisechegi mamon, miluongo ni Ashtaroth, kendo ne gitueyo ringre e kor ohinga mar Bethshan.

Motingʼo Loko Manyien

¹⁰ Negiketo gige mag lweny e hekalu mar Ashtoreth kendo negitweyo ringre e kor ohinga man Beth Shan.

1 Samuel 31:10 ပူးပေါင်းရင်းမြစ်များ

Joshua 17:11

Bethshean kaachiel gi mier mokiewo kode gi joma nodak Ibleam gi Dor manie dhonam, gi En-dor gi Taanak kod Megido, kaachiel gi mier matindo ma nokiewo kodgi ne nie bwo jo-Manase, kata obedo ni ne gin e pinje mag jo-Isakar gi jo-Asher kamano.

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.

Jong’ad Bura 2:13

Ne giweyo Ruoth Nyasaye mi gilamo Baal kod Ashtaroth.

1 Samuel 21:9

Jadolo nodwoke niya, “Nitie ligangla mar Goliath ja-Filistia, jal mane inego e holo mar Ela cha. Ero okane e tok law dolo miluongo ni efod, koboye gi nanga. Kidware to kawe, nikech onge moro ka, mak mana en.” Daudi nowacho niya, “Miyago, nikech onge moro maloye gi ber.”

1 Samuel 31:12

thuondi duto nowuok, mowuotho otieno duto. Ne gigolo ringre Saulo kod ringre yawuote e ohinga mar Bethshan, mi gikelogi Jabesh, kendo ne giwirogi gi gik mang’ue ng’ar kanyo.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”