1 Samuel 31:1 - MUMA MALER 2015

¹ Noyudo jo-Filistia kedo gi jo-Israel, kendo jo-Israel noringo, kinegogi e got Gilboa.

Motingʼo Loko Manyien

¹ Koro jo-Filistia ne kedo gi jo-Israel kendo jo-Israel noringo e nyimgi kendo joma ngʼeny nonegi e Got Gilboa.

1 Samuel 31:1 ပူးပေါင်းရင်းမြစ်များ

2 Samuel 1:21

Un gode mag Gilboa, kik tho mok kuomu. Un puothe mag kuoyo, kik koth chue kuomu, nikech kuondegoo ema kuodi mag joma rateke odong’ie, ka kethore, kaachiel gi kuod Saulo, ma koro ok owir gi mo.

2 Samuel 1:6

Wuowino nowacho niya, “Noyudo an e got Gilboa, kendo naneno Saulo kosirore gi tong’e, to geche lweny gi joidh farese lwore machiegni.

2 Samuel 4:4

Jonathan wuod Saulo ne nigi wuode moro mane tiende ong’ol. Ne en jahigni abich kane wach tho Saulo gi Jonathan okel oa Jezreel, mi japite noting’e moringo kode. To kane oyudo japidino reto mondo otony, nyathi nogore piny mohinyore, kendo nodoko rang’ol. Nyinge ne Mefibosheth.

1 Samuel 12:25

To kusiko kutimo richo, to obiro tiekou kaachiel gi ruodhu.”

1 Samuel 28:1

Ndalogo jo-Filistia nochoko jolweny duto mondo giked gi jo-Israel. Akish nowacho ni Daudi niya, “Ng’e malong’o ni in kaachiel gi jogi nyaka udhi koda e lweny.”

1 Samuel 28:15

Samuel nopenjo Saulo niya, “Marang’o ichanda, kimiyo awuok oko e liel?” Saulo nodwoke niya,, “Adhier nono, nikech jo-Filistia kedo koda, to Nyasaye oseweya, ma dwok moro ok odwoka, kata gi dho jonabi, kata gi yor lek. Emomiyo aluongi ni mondo inyisa gima onego atim.”

1 Samuel 28:19

To bende Ruoth Nyasaye biro chiwi kaachiel gi jo-Israel e lwet jo-Filistia, kendo kiny inibed koda ka, kaachiel gi yawuoti. Adier, Ruoth Nyasaye biro chiwo oganda lweny mar Israel e lwet jo-Filistia.”

1 Samuel 28:4

Jo-Filistia nochokore kanyakla Shunem, mi gijot kuno. Saulo bende nochoko jo-Israel duto, mojot Gilboa.

1 Samuel 29:1

Jo-Filistia nochoko jolweny duto kanyakla Afek, to jo-Israel nojot but thidhiya man Jezreel.