1 Samuel 30:6 - MUMA MALER 2015

⁶ Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.

Motingʼo Loko Manyien

⁶ Daudi ne chunye ool nikech jogo ne wacho ni mondo ochiele gi kite; ka moro ka moro ne winjo lit nikech yawuote gi nyige. Daudi to noyudo teko moa kuom Jehova Nyasaye ma Nyasache.

1 Samuel 30:6 ပူးပေါင်းရင်းမြစ်များ

Chakruok 32:7

Kane Jakobo owinjo kamano, nobwok, kendo chunye nochandore ahinya. Omiyo nopogo joge gi jambe e migepe ariyo,

2 Samuel 17:8

Ing’eyo ni wuoru gi joge gin joma rateke, kendo koro giger mana ka ondiek moma nyithinde. To bende wuoru en jalweny mariek; Ang’ nonind mana kar kende, mopogore gi joge.

2 Ruodhi 4:27

Kane ochopo e got, nodhi ir ng’at Nyasaye, momako tiende, Gehazi nosudo mondo ogole, to ng’at Nyasaye nowachone niya, “Weye, nimar chunye chandore malit, to Ruoth Nyasaye osepandona wachne, mak onyisa.”

Ayub 13:15

Kata bed ni Nyasaye biro nega, to onge wach! Pod abiro mana wacho wachna e nyime.

Zaburi 116:10

Kata kane awacho niya, “An gi masira marach ma dwaro nega,” to pod ne asiko mana kayie mana kuom Ruoth Nyasaye.

Zaburi 138:3

Kane aluongi, to ne idwoka, kendo ne itega gi tekoni.

Zaburi 18:2

Nyasacha, in e jaresna, kendo lwandana ma ageng’orae. In e okumbana, gi teko mar resruokna, kendo in e ohingana.

Zaburi 18:6

Kane anie chandruok, ne akwayo Ruoth Nyasaye. Naywak ni Nyasacha mondo okonya, mi owinjo dwonda gie Hekalu mare, ka ywakna ochopo e ite.

Zaburi 25:17

Yie igol kuyo mopong’o chunya, kendo resa e chandruokna duto.

Zaburi 27:14

Genuru kuom Ruoth Nyasaye. Ee, genuru kuome, kendo kik chunyu nyosre.

Zaburi 31:24

Un duto mugeno kuom Ruoth Nyasaye, beduru gi chir kendo gi jing’o!

Zaburi 42:11

Ere gima omiyo chunya lit? Koso ang’o momiyo chunya parore? Anaket genona kuom Nyasaye, mi anachak apake kendo. En e jakonyna, kendo Nyasacha.

Zaburi 42:5

Ere gima omiyo chunya lit? Koso ang’o momiyo chunya parore? Anaket genona kuom Nyasaye, mi anachak apake kendo. En e jakonyna kendo Nyasacha.

Zaburi 42:7

Nam ka nam luongo wadgi, ka abururu mag Nyasaye wuo, kendo anyumora e apaka maggi madongo.

Zaburi 56:11

En ema ageno kuome, omiyo ok anyal bedo maluor. Ere gima dhano adhana ditima?

Zaburi 62:1

Nyasaye kende ema ayiengora kuome, kendo resruokna wuok mana kuome.

Zaburi 62:5

Nyasaye kende ema ayiengora kuome. Ee, en ema aketo genona kuome.

Zaburi 71:4

A Nyasaye, resa kuom joricho. Ee, gola e teko joma ger ma timbegi mono.

Zaburi 71:5

Ruoth Nyasaye, aketo genona kuomi, mana kaka asebedo ka atimo chakre aa e nyathi.

Wuok 17:4

Kane Musa owinjo kamano nokwayo Ruoth Nyasaye gi chunye duto, kopenjo niya, “Abiro timo ang’o gi jogi, nimar gichiegni goya gi kite?”

Ngeche 18:10

Nying Ruoth Nyasaye chal gi dala mochiel motegno, ma ng’at makare nyalo ringo resoree.

Isaya 25:4

nikech isebedo kar konyruok ni ng’at modhier machandore. Ee, in e kar bwogo koth, kendo e tipo ma geng’o chieng’ e ndalo ma joma ger monjowa ka koth machwe maduong’ e ndalo chiri,

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jona 2:2

“A Ruoth Nyasaye, ne aywakni ka an e masira, mi nidwoka. Naywak ka an e Piny Joma Otho mondo ikonya, mi niwinjo ywakna.

Kwan 14:10

To kar dwokogi, oganda jo-Israel nobwogogi mana ni goyogi mana gi kite, to sano duong’ mar Ruoth Nyasaye nothinyorenigi duto e Hemb Romo.

Mathayo 21:9

Joma notelo nyim Yesu, kod joma ne luwo bang’e nokok niya, “Duong’ obed ni Wuod Daudi! Ogwedh ng’ama biro e nying Ruoth! Duong’ obed ni Nyasaye e polo malo!”

Mathayo 27:22

Eka Pilato nopenjogi ni, “To ka kamano, to atim ang’o gi Yesu miluongo ni Mesia?” Giduto ne gidwoke niya, “Gure e msalaba!”

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Jo-Rumi 4:18

Ibrahim noyie kendo nogeno agena, kata obedo ni gima dine mi ogen kamano ne onge! Mano omiyo nodoko wuon ogendini mathoth, mana kaka Muma wacho ni, “Nyikwayi nobed mana mathoth kamano.”

Jo-Rumi 4:20

Ne pod ogeno agena singruok mar Nyasaye ma ok oriwo gi kiawa. Yie mare nopong’ gi teko, mi omiyo Nyasaye duong’,

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

2 Jo-Korintho 1:6

Ka isandowa, to en mana ni mondo okonyu, kendu uyud warruok. To ka ikonyowa, to en bende mana ni mondo Nyasaye okonyu, ka udhil gi sand ma wan bende wayudo,

2 Jo-Korintho 4:8

Pile idiyowa koni gi koni, to kata kamano ok dinnwa. Wadhier nono, to chunywa ok a.

2 Jo-Korintho 7:5

En adier ni kata ka ne wachopo Makedonia to ne ok wayudo yueyo. Ne wayudo mana chandruok kuonde duto: dhaw ne oluorowa oko, kendo chunywa ne opong’ gi luoro.

Jo-Hibrania 13:6

Mano emomiyo wanyalo wacho gi chir niya, “Ruoth e jakonyna, emomiyo ok nabed maluor. Ere gima dhano ditimna?”

Jong’ad Bura 18:25

Jo-Dan nowachone niya, “Kiriek to kik iwach gimoro, nimar wan ji ma chunygi lit, kendo kapo nono wagore kuomi, to mano ema dibed thoni kaachiel gi joodi!”

Jong’ad Bura 20:22

Jo-Israel nodok Bethel moywak e nyim Ruoth Nyasaye nyaka odhiambo, ka gipenje niya, “Ber mondo waked gi jowetewa ma jo-Benjamin kendo koso?” Ruoth Nyasaye nodwokogi niya “Ee, ber, keduru kodgi kendo.”

1 Samuel 1:10

Chuny Hana ne chandore, kendo nolamo Ruoth Nyasaye, koywakne malit.

1 Samuel 23:16

Jonathan wuod Saulo nowuok, modhi ire kuno, mojiwe kotego chunye kuom Nyasaye.

1 Samuel 28:15

Samuel nopenjo Saulo niya, “Marang’o ichanda, kimiyo awuok oko e liel?” Saulo nodwoke niya,, “Adhier nono, nikech jo-Filistia kedo koda, to Nyasaye oseweya, ma dwok moro ok odwoka, kata gi dho jonabi, kata gi yor lek. Emomiyo aluongi ni mondo inyisa gima onego atim.”