1 Samuel 30:26 - MUMA MALER 2015

²⁶ Kane Daudi odok Ziklag, nooro gik mope moko ni jodong Juda ma osiepene, kowachonigi niya, “Aoronu mich moa kuom gik mwapeyo kuom wasik Ruoth Nyasaye.”

Motingʼo Loko Manyien

²⁶ Ka Daudi nochopo Ziklag nooro joote gi gik mope ne jodong Juda mosiepene, kowacho niya, “Ero aoronu mich kuom gik mope mag jowasik Jehova Nyasaye.”

1 Samuel 30:26 ပူးပေါင်းရင်းမြစ်များ

Chakruok 33:11

Omiyo yie ikaw chiwo ma asekeloni, nimar Nyasaye oseguedha mi ayudo gik moko duto madwaro.” Kamano nochune nyaka nokawo michgo.

2 Samuel 1:1

Kane Daudi oseduogo koa nego jo-Amalek, nonindo Ziklag ndalo ariyo.

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

Zaburi 35:27

To joma mor ni aloyo bura, onego kog gi ilo ka giwacho ding’eny niya, “Ruoth Nyasaye duong’ miwuoro, kendo omor ka jatichne dhi nyime maber.”

Zaburi 68:18

Oidho malo, ka otelo ni joma omako e lweny. Bende oseyudo mich, koda ka kuom joma piem kode. Ruoth Nyasaye nodag kanyo nyaka chieng’.

Isaya 32:8

Ng’at ma jaadiera to paro mana gik makare, kendo ok we adiera kata matin.

2 Jo-Korintho 9:5

Mano emomiyo aseneno ni ber mondo aor owetego obi iru mokwongo, olos chon chiwo mane usesingoru ni ubiro golo. Kamano ka abiro to anayud ka oikore, kendo mano nonyis ni uchiwe maonge achune.

1 Samuel 18:17

Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.

1 Samuel 25:27

To michni eri ma asekeloni, mondo imi joma in go.

1 Samuel 25:28

Asayi, wena kethona, nimar adier Ruoth Nyasaye nomi dhoodi bedo mosiko, nikech ikedo gi wasike. Onge masira ma biro nwang’i e ndaloni duto.

1 Samuel 30:20

To bende nopeyo jambgi duto, mi jogo nosembogi e nyime, ka giwacho niya, “Magi gik ma Daudi opeyo.”

1 Samuel 30:25

Chakre chieng’no nolokore tim jo-Israel nyaka chil kawuono.