1 Samuel 30:22 - MUMA MALER 2015

²² To jomoko maricho, kod joma acheje mane ni kuom joma nodhi gi Daudi, nowacho niya, “Jogi ne ok odhi kodwa, omiyo kik wapognigi gimoro kuom gik mane ope ma wasereso, mak mana ni ng’ato ka ng’ato mondo oyud chiege gi nyithinde, odhigo.”

Motingʼo Loko Manyien

²² To joricho duto gi joma acheje mane ni ei joma luwo Daudi nowacho niya, “Nikech ne ok gidhi kodwa, ok wabi pogo kodgi gik mope ma wadwoko. To kata kamano ngʼato ka ngʼato okaw chiege gi nyithinde mondo odhigo.”

1 Samuel 30:22 ပူးပေါင်းရင်းမြစ်များ

1 Ruodhi 21:10

Eka uket ji ariyo macheje obed momanyore kode mondo odonjne, ka giwacho ni oseyanyo Nyasaye kod ruoth bende. Eka ugole oko, ugoye gi kite nyaka otho.”

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

Mathayo 7:12

“Pile timuru ni jowadu mana kaka duher mondo gin bende gitimnu. Mano e tiend Chik Musa gi tiend puonj Jonabi.

Rapar mar Chik 13:13

ka giwachonigi ni mondo gidhi gilam nyiseche mamoko ma un ok ung’eyo,

Jong’ad Bura 19:22

Eka sa mane gichiemono, ne gipo ka jodalano moko ma acheje obiro, molworo ot ka goyo dhoot, kendo wacho ni jaduong’ ma wuon ot niya, “Golnwa ng’at mane obiro kodi cha mondo waterrego.”

1 Samuel 22:2

Bende ji duto mane nigi chandruok moro amora, kaka gowi kata ng’ur, nochokore ire, ma dirom mia ang’wen, mi odoko jatendgi.

1 Samuel 25:17

Emomiyo koro, par gima onego itim, nikech gima rach biro timore ni ruodhwa. To nimar ing’eyo ni en ng’at machach, kendo onge ng’ama nyalo wuoyo kode.”

1 Samuel 25:25

Ruoth, kik idew ng’at ma achach miluongo ni Nabal, nikech ochalo gi nyinge. Nabal e nyinge, kendo orabala adier. To an, ne ok aneno yawuowi ma nioro.

1 Samuel 30:21

Daudi noduogo ir ji mia ariyo mane oweyo aora Besor, ka tekogi orumo, kendo ok nyal luwo bang’e, mi jogo nowuok mondo oromne kaachiel gi joma ne ni kode. Kane gichopo machiegni, ne gimosogi, kendo gipenjogi kaka wach obet.

1 Samuel 30:23

To Daudi nowacho niya, “Owetena, kik utim kamano kuom gik ma Ruoth Nyasaye osemiyowa, nikech en ema oseresowa, kendo ochiwo oganda ma nomonjowano e lwetwa.