1 Samuel 30:17 - MUMA MALER 2015

¹⁷ Daudi nonegogi chakre rum piny nyaka yuso piny. Onge ng’ato kata achiel kuomgi ma notony mak mana yawuowi mia ang’wen ma noidho ngamia moringo.

Motingʼo Loko Manyien

¹⁷ Daudi nokedo kodgi chakre yuso piny nyaka kinyne godhiambo. Kendo ne onge ngʼat mane otony modhi makmana yawuowi mia angʼwen mane oidho ngamia kende ema noringo otony.

1 Samuel 30:17 ပူးပေါင်းရင်းမြစ်များ

2 Samuel 1:1

Kane Daudi oseduogo koa nego jo-Amalek, nonindo Ziklag ndalo ariyo.

2 Samuel 8:12

kuom jo Edom gi jo-Moab gi jo-Amon gi jo-Filistia kod jo-Amalek, ma noseloyo. Gik moko ma noyako kuom Hadedazer wuod Rehob, ma ruodh Zoba, bende nochiwo ni Ruoth Nyasaye.

2 Ruodhi 7:5

Omiyo kane chieng’ osepodho, ne giwuok mondo gidhi kuma jo-Aram ojotie. To kane gichopo e dho kambigi, ne gipo ka onge kata ng’at achiel kanyo,

1 Weche mag Ndalo 4:43

Ne ginego jo-Amalek modong’ kendo pod gidak kuno nyaka chil kawuono.

Zaburi 18:42

Ne aregogi mayom mana ka buru ma yamo tero, mi anyonogi ka chuodho.

Jeremia 41:15

To Ishmael kod joge moko aboro notony e lwet Johanan, moringo odhi e piny Amon.

Jong’ad Bura 4:16

Barak nolawogi nyaka Harosheth, monego jolwenygo duto, mi kargi olal ma onge kata ng’at achiel ma nodong’.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

1 Samuel 11:11

Kinyne Saulo nopogo joge e migepe adek. Ne gimwomore e kambi jo-Amon kogwen, mi ginegogi nyaka chieng’ otegno. Jo-Amon mane odong’ noke, mane ok nyal nwang’ kata ji ariyo kaachiel.

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”