1 Samuel 30:16 - MUMA MALER 2015

¹⁶ Kamano notelo ni Daudi gi joge, mi ne giyudo jo-Amalek koke e pap. Jo-Amalekgo ne chiemo kendo metho, ka gimor nikech mwandu mang’eny mane gipeyo e piny jo-Filistia, kendo e piny Juda.

Motingʼo Loko Manyien

¹⁶ Notelo ni Daudi ka gilor mwalo, kendo ne giyudogi ka gike e pap, ka gichiemo kendo metho ka gin gimor maduongʼ nikech gik mane gipeyo e piny jo-Filistia gi piny Juda ne thoth ahinya.

1 Samuel 30:16 ပူးပေါင်းရင်းမြစ်များ

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

1 Weche mag Ndalo 4:43

Ne ginego jo-Amalek modong’ kendo pod gidak kuno nyaka chil kawuono.

Ayub 20:5

onge jaricho mosebedo mamor aming’a, kendo ilo mar ng’at ma ok dew Nyasaye rumo piyo.

Zaburi 119:162

Singruokni miya mor manadi! Amor mana ka ng’ama oyako mwandu mathoth!

Wuok 32:6

Kinyne ji nochiew gokinyi mang’ich, motimo lisweche miwang’o pep, kendo ne gikelo lisweche mag sawo. Ne gibet piny mondo gichiem, kendo gimethi, to bang’e ne gia malo mondo gitugi.

Isaya 22:13

To kar timo kamano, to unutug atuga kumetho, kendo kuyang’o dhok gi rombe uchamo, ka uwacho niya, “Wachiemuru kendo wamethuru, nikech kiny wanatho.”

Isaya 9:3

Yaye Nyasaye, inimi oganda Israel nya, kendo inimi gimed bedo mamor. Ginibed mamor e nyimi kaka ji mor e ndalo keyo, kendo mana kaka ji mor ka pogo gik moyaki.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

Jong’ad Bura 8:11

Gideon noluwo yor thim mane johala luwo, man yo wuok chieng’ man Noba gi Jogbeha, mi nomonjo jolwenygo apoya.

1 Samuel 30:14

Ne wamonjo yo milambo mar piny jo-Kereth, gi mar jo-Juda, kod mar jo-Kaleb, kendo ne wawang’o Ziklag gi mach.”

1 Samuel 30:15

Daudi nokone ni, “Diyie itera ir jogo?” Nodwoke niya, “Kuong’rina e nying Nyasaye ni ok ninega, kendo ok nichiwa e lwet ruoth ma natiyone, eka dateri ir jogo.”