1 Samuel 3:21 - MUMA MALER 2015

²¹ Ruoth Nyasaye nomedo fwenyore Shilo, nikech kanyo ema nosefwenyoree ni Samuel. Kamano wach Samuel nobedo gi teko e piny Israel duto.

Motingʼo Loko Manyien

²¹ Jehova Nyasaye nomedo fwenyore e Shilo kendo kanyo ne ofwenyore owuon ne Samuel kuom wachne.

1 Samuel 3:21 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Jeremia 41:5

ji piero aboro nobiro koa Shekem gi Shilo kod Samaria. Ne oyudo giselielo tikgi, mi giyiecho lepgi, kendo gisaro dendgi, bende ne giting’o cham gi ubani mondo gichiw e Hekalu.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Rapar mar Chik 29:10

“Kawuono uchung’ e nyim Ruoth Nyasaye ma Nyasachu, koda ka jotend dhoutu gi jodongu gi jotendu mamoko kod jo-Israel duto, chwo,

Jo-Hibrania 1:1

Chon Nyasaye nomiyo jonabi owuoyo gi kwerewa e yore mang’eny kendo mopogore opogore,

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

1 Samuel 3:1

Nyathi ma Samuel ne tiyo ni Ruoth Nyasaye e nyim Eli. To weche mane wuok kuom Ruoth Nyasaye ne nok ndalogo, kendo ne ok fwenyre pile.

1 Samuel 3:10

Eka Ruoth Nyasaye nobiro mochung’ kanyo, kendo oluongo Samuel kaka noseluonge mokwongo niya, “Samuel, Samuel.” Eka Samuel nodwoko ni, “Wachi, jatichni winjo.”

1 Samuel 3:4

Ruoth Nyasaye noluongo Samuel, mi Samuel nodwoko ni, “Antie.”

1 Samuel 9:15

To chieng’ motelo ni biro mar Saulo, Ruoth Nyasaye noyudo osefwenyore ni Samuel, ka wachone niya,