1 Samuel 3:2 - MUMA MALER 2015

² Ndalogo wang’ Eli nosechako imore, ma ok onyal neno maber. Chieng’ moro Eli ne nindo kare mar nindo.

Motingʼo Loko Manyien

² Eli makoro wengene ne osechako imore kendo ne ok onyal neno maber, noyudo nindo e kare mapile.

1 Samuel 3:2 ပူးပေါင်းရင်းမြစ်များ

Chakruok 27:1

Kane Isaka oseti modoko muofu, noluongo Esau wuode makayo, ni “Wuoda!” Esau nodwoke ni, “Antie.”

Chakruok 48:10

Israel koro noseti ahinya, ma wang’e oyuso ma ok onyal neno. Josef nokelo nyithinde ire, mi nokwakogi kendo onyodhogi.

Chakruok 48:19

To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

1 Ruodhi 14:4

Chi Jeroboam notimo kamano; nodhi Shilo mochopo e od Ahija. To koro Ahija ne ok nyal neno; wengene nosechor, nikech hike noniang’.

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Eklesiastes 12:3

Bedeu ma osebedo ka konyou notetni, kendo tiendeu ma koro otegnogi, nobed modolore. Unubed rowuoge ma ok nyal chamo chiemo, kendo wengeu nobed modimbore ma ok nyal neno maber.

1 Samuel 2:22

Eli koro noti ahinya. Nowinjo gik mane yawuote timo ni jo-Israel duto, kendo kaka ne giterore gi mon matiyo e dho Hemb Romo.

1 Samuel 4:15

Eli koro ne jahigni piero ochiko gaboro, kendo wang’e noyuso mane ok onyal neno.