1 Samuel 3:19 - MUMA MALER 2015

¹⁹ Kane Samuel dongo, Ruoth Nyasaye ne ni kode, kendo weche duto mane okoro, Ruoth Nyasaye ne ochopo kare.

Motingʼo Loko Manyien

¹⁹ Jehova Nyasaye ne ni kod Samuel kaka nomedo dongo kendo weche duto mane owacho onge mane kadho ma ok otimore kamano.

1 Samuel 3:19 ပူးပေါင်းရင်းမြစ်များ

Chakruok 21:22

E ndalono Abimelek kod Fikol ma jatend jolweny nodhi ir Ibrahim mowachone niya, “Nyasaye ni kodi kuom gik moko duto mitimo.

Chakruok 28:15

Anabed kodi, kendo anariti kamoro amora midhiye, nyaka adwoki e pinyni. Ok naweyi ka pok atimoni gima asewachoni.”

Chakruok 39:2

To Ruoth Nyasaye ne ni kod Josef, mi noguedhe e yorene duto. Nodak e od ruodhe ma ja-Misrino.

Chakruok 39:3

Ruodheno noneno ka Ruoth Nyasaye ni kode, kendo guedhe e gik moko duto motimo.

1 Ruodhi 8:56

“Apako Ruoth Nyasaye, mosemiyo joge Israel kue, kochopo gik moko duto mane osingore. Onge kata wach achiel moserem kuom singruokne duto mabeyo mane omiyo Musa jatichne owacho.

2 Ruodhi 10:10

Kuom mano ng’euru ni onge wach Ruoth Nyasaye kata achiel ma norem mak otimore kuom weche duto mane owacho kuom dhood Ahab, nikech Ruoth Nyasaye osetimo gima nomiyo Elija jatichne owacho.”

2 Ruodhi 15:12

Kamano weche mane Ruoth Nyasaye osingorego ni Jehu, kowachone ni nyikwaye nobed ruodhi mag Israel nyaka tieng’ mar ang’wen, nochopo kare.

2 Ruodhi 22:16

Ruoth Nyasaye ma Nyasach Israel owacho kama: ‘Abiro kelo masira e pinyni, kendo kuom joma odakie, kaluwore gi weche duto manie kitabu ma ruodh Juda osesomo.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Isaya 55:11

e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Luka 1:28

Malaika nobiro ire, mowachone niya, “Misawa! Ruoth ni kodi, kendo oseguedhi ahinya.”

Luka 1:80

Nyathi ma Johana nodongo, modoko motegno e chunye, kendo nodak e thim nyaka nochopo chieng’ mane owuok, monyisoree ratiro e nyim jo-Israel.

Luka 2:40

Nyathino nodongo, modoko motegno. Ne en gi rieko mathoth, kendo hap Nyasaye ne ni kode.

Luka 2:52

Yesu nodongo, kendo riekone nomedore ahinya, ka Nyasaye gi ji medo bedo mamor kode.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

Rapar mar Chik 18:22

Ka janabi owacho wach moro e nying Ruoth Nyasaye to bang’e wachno ok ochopo kare, mano nyiso ni ok en wach Ruoth Nyasaye, to osewuoyo mana gi tekone owuon. Omiyo kik umiye duong’.

2 Timotheo 4:22

Ruoth obed gi chunyi. Ng’wono obed kodu.

Joshua 21:45

Ruoth Nyasaye nochopo singruokne duto ma nosetimo ni jo-Israel.

Jong’ad Bura 13:24

Bang’e dhakono nonywolo nyathi ma wuowi, mochako ni Samson. Nyathino nodongo Mahane-dan, manie kind Zora gi Eshtaol. Ruoth Nyasaye noguedhe,

1 Samuel 10:7

Ka ranyisigo otimoreni, to tim gima ineno ni ber, nikech Nyasaye ni kodi.

1 Samuel 12:2

Koro Ruoth e jatendu. An to aseti, mi lwar omaka, kendo yawuota bende ni kodu. To asebet jatendu, chakre tinna nyaka kawuono.

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

1 Samuel 18:12

Noyudo ka Ruoth Nyasaye oseweyo Saulo, to koro ni kod Daudi, emomiyo Saulo noluoro Daudi.

1 Samuel 18:14

kendo nolocho kuonde duto modhiye, nikech Ruoth Nyasaye ne ni kode.

1 Samuel 18:5

Daudi nolocho kuonde duto mane Saulo oree, omiyo Saulo nokete jatend jolweny. Wachno nodoko maber ni ji duto, kata mana ni jodong Saulo.

1 Samuel 2:21

Ruoth Nyasaye noparo Hana, mi nonywolo yawuowi adek gi nyiri ariyo. To nyathi ma Samuel nodongo e nyim Ruoth Nyasaye.

1 Samuel 2:26

To nyathi ma Samuel nodongo, kendo Ruoth Nyasaye gi ji nomedo bedo mamor kode.

1 Samuel 9:6

To jalo nowachone ni, “E dalani nitie ng’at Nyasaye marahuma. Weche duto mowacho timore adier. We wadhi kuno, dipo ka ofwenyonwa wach moro kuom wuodhwani.”