1 Samuel 3:18 - MUMA MALER 2015

¹⁸ Mi Samuel nonyise duto te, ma ok opande kata wach achiel. Eli nowacho niya, “Ruoth Nyasaye mondo otim gima oneno ni ber.”

Motingʼo Loko Manyien

¹⁸ Omiyo Samuel nonyise weche duto ma ok opandone gimoro. Eka Eli nowachone niya, “En e Jehova Nyasaye, we otim gima oneno ni longʼone.”

1 Samuel 3:18 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

2 Samuel 10:12

Bed gi chir, waked matek ni jowa. To Ruoth Nyasaye mondo otim gima oneno ni ber.”

2 Samuel 15:26

To ka Ruoth Nyasaye owacho ni ok an ng’at malong’o e nyime, to era e, mondo otimna gima ohero.”

2 Ruodhi 20:19

Hezekia ne odwoke niya, “Wach Ruoth Nyasaye ma isenyisa ber.” To ne odwoke kamano, koparo ni en to kue biro siko e ndalone duto.

1 Weche mag Ndalo 19:13

Bed gi chir, waked matek ni jowa, kendo ni miech Nyasachwa. To Ruoth Nyasaye mondo otim gima oneno ni ber.”

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Ayub 2:10

To Ayub nodwoke niya, “Iwuoyo mana kaka dhako mofuwo wuoyo. Ka Nyasaye okelonwa gima ber, to wakawo. Koro ere gimomiyo wang’ur kokelonwa chandruok?” Kuom mano, kata obedo ni Ayub nosechandore malit kamano, to ne ok oketho dhoge.

Zaburi 39:9

Aling’ thi, ma kata wuoyo ok anyal wuoyo, nikech in ema ikuma.

Wuok 34:5

Eka Ruoth Nyasaye nolor e bor polo, mochung’ bute kanyo, mi ohulo nyinge ma JEHOVA.

Isaya 39:8

Hezekia ne odwoke niya, “Wach Ruoth Nyasaye ma isenyisa ber.” To ne odwoke kamano, koparo ni en to kue biro siko e ndalone duto.

Jeremia 34:6

Bang’e Jeremia janabi noluwo wechego duto ni Zedekia ruodh Juda, mane ni Jerusalem.

Jeremia 38:14

Ruoth Zedekia nogolo chik mondo okel Jeremia janabi e rangach mar adek mar Hekalu, kendo kane osekele ire, ne owachone niya, “Adwaro penji wach, to kik ipanda gimoro kata achiel.”

Jeremia 42:4

Jeremia nodwokogi niya, “Kara mano ber, abiro lamo Ruoth Nyasachwa mana kaka usekwaya, kendo gimoro amora mowachona, to abiro nyisou. Ok napandu wach moro amora kata achiel.”

Ywagruok 3:39

Ka kamano, to ere gima omiyo dhano adhana mathoni ng’ur, kikume nikech richone?

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

1 Petro 5:6

Omiyo beduru mamuol e bwo bad Nyasaye man gi teko, mondo obi oting’u malo e ndalo mowinjore.

Jong’ad Bura 10:15

To jo-Israel nowacho ni Ruoth Nyasaye niya, “Wayie ni waseketho. Omiyo timnwa kaka ihero. To wahombi mondo ikonywa kawuono.”