1 Samuel 29:6 - MUMA MALER 2015

⁶ Omiyo Akish noluongo Daudi, mowachone niya, “Gi nying Ruoth Nyasaye, in jaadiera, kendo an to aneno ni owinjore wadhi kodi e lweny, nikech pok aneno rach moro kuomi, chakre ndalo mane ibiroe ira, nyaka chil kawuono. To kata kamano, jodongo ok oyie kodi.

Motingʼo Loko Manyien

⁶ Omiyo Akish noluongo Daudi mowachone niya, “Akwongʼora gi nying Jehova Nyasaye mangima, ni isebedo ngʼat migeno kendo daher mondo ibed achiel kuom jolweny maga. Chakre chiengʼ mane ibiroe ira nyaka chil kawuono, pok aneno ketho moro kuomi, kata kamano jotend jo-Filistia ok oyie kodi.

1 Samuel 29:6 ပူးပေါင်းရင်းမြစ်များ

Chakruok 16:6

Abram nodwoke niya, “Jatichnino nie lweti. Inyalo timone gima ihero.” Omiyo Sarai nothago Hagar, nyaka Hagar noringo moa.

2 Samuel 3:25

Donge ing’eyo ni Abner wuod Ner nobiro mana ni mondo owuondi, kendo ong’e wuodheni, kod gik mitimo duto?”

2 Ruodhi 19:27

To ang’eyo timbeni duto: ang’eyo kata ka ichung’ kata ka ibet piny, kata kiwuok kata kiduogo dala.

Zaburi 121:8

Obiro riti kiwuok, kendo kiduogo, pile kendo nyaka chieng’.

Isaya 37:28

To ang’eyo timbeni duto: ang’eyo kata ka ichung’, kata ka ibet piny, kata kiwuok, kata kiduogo dala.

Isaya 65:16

Ng’ato ang’ata ma dwaro mondo oyud gueth e piny, to nyaka kwa mana Nyasach adiera mondo oguedhe. Bende ng’at ma kuong’ore e piny ka, to nyaka kuong’re mana e nying Nyasach adiera, nikech wich nowil gi thagruok machon, mi lal nono e wang’a.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Kwan 27:17

mondo otel nigi e gik moko duto ma gitimo, kendo oritgi ka giwuok kendo ka giduogo dala, mondo oganda Ruoth Nyasaye kik bed ka rombe maonge jakwath.”

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Joshua 22:30

Kane Finehas jadolo gi jodong oganda kod jotend dhout Israel owinjo wach jo-Reuben gi jo-Gad kod jo-Manase, ne gimor ahinya.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”

1 Samuel 28:10

To Saulo nokuong’ore, kawachone ni, “Gi nying Ruoth Nyasaye, onge bura ma noyudi kuom wachnii.”

1 Samuel 29:3

Kane jotend jo-Filistia oneno kamano, ne gipenjo niya, “Jo-Hibraniagi to timo ang’o ka?” Akish nodwokogi niya, “Jali e Daudi, mane jatich Saulo ruodh Israel. Koro osedak koda moloyo higa achiel, to chakre ndalo mane obiroe ira, pok aneno rach moro kuome nyaka chil kawuono.”

1 Samuel 29:7

Emomiyo koro dogi, idhi gi kue, ma ok itimo gima diketh chunygi.”

1 Samuel 5:8

Omiyo ne giluongo ruodhi duto mag jo-Filistia mondo gine ane gima ginyalo timo gi Sanduk mar Nyasach Israel. Jogo nodwokogi niya, “Goluru Sanduk mar Nyasach Israel, uter Gath.” Kuom mano, ne gigolo Sanduk mar Nyasach Israel, gitero kuno.