1 Samuel 29:4 - MUMA MALER 2015

⁴ To jotend jo-Filistia nokecho kode, mi giwachone niya, “Kwer jali odog kuma niketee, kik odhi kodwa kedo, nimar dipo kolokore jasikwa e lweny, nikech kodwaro ni owinjre gi ruodhe, to doneg man jowa.

Motingʼo Loko Manyien

⁴ To jotend lweny mag jo-Filistia nokecho kode ma giwacho niya, “Riemb ngʼatni odogi mondo odog kama ne imiye. Ok onego odhi kodwa e lweny, nikech e kinde ma lweny dhi nyime onyalo lokore kodwa. Donge mano e yo monyalo morogo ruodhe konego jowa moko?

1 Samuel 29:4 ပူးပေါင်းရင်းမြစ်များ

1 Weche mag Ndalo 12:19

Kane Daudi dhi gi jo-Filistia mondo giked gi Saulo, jo-Manase moko noweyo Saulo modok ni Daudi. Kata kamano Daudi ne ok okonyo jo-Filistia, nimar kane jotendgi oseporo wach, ne giriembe. Ne giwacho niya, “Dipo kondhogowa kodok ni Saulo ma ruodhe, mi okelnwa masira.”

1 Weche mag Ndalo 12:20

Jo-Manase ma nodok ni Daudi kane odhi Ziklag, ne gin Adna gi Jozabad gi Jadiael gi Mikael gi Jozabad gi Elihu kod Zilthai. Ng’ato ka ng’ato kuomgi ne jatend jolweny alufu achiel mag jo-Manase.

Wuok 1:10

Nyaka watang’, mondo watamgi kik ginya, nimar kapo ni lweny owuok, to kamoro ginyalo dok ni wasikwa, mondo giked kodwa, mi giring gia e pinywa.”

Luka 16:8

“Jamokono nopako jarit gige ma ok kareno kuom riekone, kendo en adier ni joma ok ong’eyo Nyasaye tiyo gi jowadgi gi rieko moloyo rieko ma joma ong’eyo Nyasaye tiyogo gi jowetegi.”

1 Samuel 14:21

Jo-Hibrania mane ni kor jo-Filistia chon, kendo mane jot kodgi, nodok kor jo-Israel mane luwo Saulo gi Jonathan.

1 Samuel 27:6

Mi Akish nomiye Ziklag mana chieng’ono. Mano emomiyo Ziklag pod ni e bwo ruodh Juda nyaka chil kawuono.

1 Samuel 29:9

Akish nodwoke niya, “Ang’eyo ni isebedona jaadiera, mana kaka malaika mar Nyasaye, to kata kamano jotend jo-Filistia osedagi ni kik idhi kodgi e lweny.

1 Samuel 30:1

Chieng’ mar adek, Daudi gi joge nochopo Ziklag. To jo-Amalek noyudo ka osemonjo yo milambo mar Juda, kendo gisewang’o Ziklag mi giketho.