1 Samuel 29:2 - MUMA MALER 2015

² Jodong jo-Filistia ne chano jogi e migepe matindo gi madongo, to Daudi gi joge, kaachiel gi jo-Akish, ne luwo bang’gi.

Motingʼo Loko Manyien

² Kane jotend Filistia wuotho dhi kaachiel gi jolwenjgi mane ochan e migepe mag miche gi alufe, Daudi gi joge kod Akish bende ne wuotho kaluwo bangʼ-gi.

1 Samuel 29:2 ပူးပေါင်းရင်းမြစ်များ

1 Weche mag Ndalo 12:19

Kane Daudi dhi gi jo-Filistia mondo giked gi Saulo, jo-Manase moko noweyo Saulo modok ni Daudi. Kata kamano Daudi ne ok okonyo jo-Filistia, nimar kane jotendgi oseporo wach, ne giriembe. Ne giwacho niya, “Dipo kondhogowa kodok ni Saulo ma ruodhe, mi okelnwa masira.”

Kwan 10:25

Kambi jo-Dan ema nowuok mogik bang’ kambi mamokogo, kochanore e bwo bandechgi, e ogendgi mag lweny. Kambino noting’o jo-Dan, ma jatendgi ne Ahiezer wuod Amishadai,

Joshua 13:3

(Pinyno duto chakre Shihor yo wuok chieng’ mar Misri, nyaka Ekron yo nyandwat, ikwano ka piny Kanaan. To ruodhi mag jo-Filistia ma nodak Gaza gi Ashdod gi Ashkelon gi Gath kod Ekron ema ne weg pinyno.) “Piny jo-Avim duto

1 Samuel 6:4

To ne gimedo penjo niya, “En mich machal nadi monego wamiye?” Ne gidwoko niya, “Onego umiye gik moko abich mag dhahabu, maket gi buche mane okuodou, kaachiel gi oyieyo abich molos gi dhahabu, moromo kar kwan ruodhi mag jo-Filistia, nimar tho achiel ema nogoyou uduto, kaachiel gi ruodhi mau.