1 Samuel 28:7 - MUMA MALER 2015

⁷ Bang’e Saulo nowacho ni jotichne niya, “Dwarnauru dhako ma ja nyakalondo, mondo adhi ire, apenj wach.” Jotichne nodwoke ni, “Nitie dhako moro ma janyakalondo modak Endor.”

Motingʼo Loko Manyien

⁷ Eka Saulo nowachone joma tiyone niya, “Dwarnauru dhako ma ja-nyakalondo, mondo adhi apenje wach.” Negidwoke niya, “Nitie moro Endor.”

1 Samuel 28:7 ပူးပေါင်းရင်းမြစ်များ

2 Ruodhi 6:33

Kane pod owuoyo kodgi, ruoth nochopo, mowacho niya, “Masirani oa mana kuom Ruoth Nyasaye, omiyo onge tiende, medo rito Ruoth Nyasaye mondo okonywa!”

1 Weche mag Ndalo 10:13

Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.

Zaburi 83:10

Ne oneggi Endor, mi ringregi odong’ katop kuno,

Isaya 19:3

Chuny jo-Misri nonyosre, kendo anaketh rieko ma ging’ado, mi ginipenj nyiseche manono mondo onyisgi wach, bende ginidhi ir ajuoke mopogore opogore.

Tim jo-Lawi 19:31

“Kik udhi ir jonyakalondo kata kuom ajuoke ma moko, nikech kutimo kamano to udoko mogak. An e Ruoth Nyasaye ma Nyasachu.

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Tich Joote 16:16

Chieng’ moro kane oyudo wadhi kar lemo, ne waromo gi nyako moro ma misumba, mane nigi jachien mamiyo okoro wach. Ne okeloni ruodhi mage ohala mang’eny kuom hulo ni ji gik mabiro timorenigi.

Rapar mar Chik 18:11

kata ajuok nyakalondo kata japenj jochiende wach.

Joshua 17:11

Bethshean kaachiel gi mier mokiewo kode gi joma nodak Ibleam gi Dor manie dhonam, gi En-dor gi Taanak kod Megido, kaachiel gi mier matindo ma nokiewo kodgi ne nie bwo jo-Manase, kata obedo ni ne gin e pinje mag jo-Isakar gi jo-Asher kamano.

1 Samuel 28:3

Noyudo Samuel osetho, mi jo-Israel duto noywage, kendo ne giyike Rama, dalane owuon. To Saulo noseriembo jo-nyakalondo kod ajuoge duto oa e piny Israel.