1 Samuel 28:6 - MUMA MALER 2015

⁶ To kane okwayo Ruoth Nyasaye wach, Ruoth Nyasaye ne ok odwoke, kata e yor lek, kata e yor Urim kata gi dho jonabi.

Motingʼo Loko Manyien

⁶ Nopenjo Jehova Nyasaye wach, to Jehova Nyasaye ne ok odwoke e yor lek kata gi Urim kata gi dho jonabi.

1 Samuel 28:6 ပူးပေါင်းရင်းမြစ်များ

2 Samuel 22:42

Ne girango koni gi koni, to onge ng’amaa ne nyalo resogi. Ne giywak ni Ruoth Nyasaye, to ne ok oduokogi.

Zaburi 74:9

Ok wanyal neno gik maler mane watiyogo e lemo, bende koro waonge jonabi. Waonge gi ng’at mong’eyo ni gima osetimoreni biro siko nyaka karang’o.

Wuok 28:20

kendo laini mar ang’wen ketie berul gi oniks kod jasper. Kidi ka kidi mondo orwak e otunge achiel achiel molos gi dhahabu.

Wuok 28:30

“To koro mogik, nyaka iket ombulu miluongo ni Urim gi Thumim ei law agoko mar ng’ado bura, mondo gibed e kor Harun kodonjo e nyim Ruoth Nyasaye, ka Harun donjo e nyim Ruoth Nyasaye, nobed koting’o gik ng’ado bura ni jo-Israel e kore.

Ngeche 27:1

Kik isungri ni gima pok ineno, nikech ok ing’eyo gima biro timore.

Jeremia 23:28

Janabi ma oseleko lek, onego owach ni en mana lek, to janabi moseyudo wachna onego ohul wachnano kare. Koso mihudhi gi cham yande chalre?

Ywagruok 2:9

Dhorangeyene bende osepodho piny, kendo Ruoth Nyasaye oseturo lodi mage matindotindo. Ruodh Sayun kod jodonge oke e kind ogendini mamoko, kendo chik Nyasaye koro ok ti. Jonabi mage bende koro ok yud fweny moa kuom Ruoth Nyasaye.

Joel 2:28

“Bang’e naol Roho mara kuom ji duto. Yawuotu gi nyiu nokor wach, bende jou madongo nolek lek, kendo jou matindo none fweny.

Tim jo-Lawi 8:8

Notueyone law agoko, moketo ombulu miluongo ni Urim gi Thumim e iye.

Mika 3:7

Joma koro wach wigi biro kuot, nikech Nyasaye ok dwokgi.”

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Mathayo 1:20

To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Johana 9:31

Wang’eyo ni Nyasaye ok winj wach joricho, to ng’at moluore, kendo matimo gik ma odwaro, ema owinjo.

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.

1 Samuel 14:37

Omiyo Saulo nopenjo Nyasaye wach niya, “Alaw jo Filistia koso? Bende ibiro chiwogi e lwet jo-Israel?” To ne ok odwoke gimoro chieng’ono.

1 Samuel 28:15

Samuel nopenjo Saulo niya, “Marang’o ichanda, kimiyo awuok oko e liel?” Saulo nodwoke niya,, “Adhier nono, nikech jo-Filistia kedo koda, to Nyasaye oseweya, ma dwok moro ok odwoka, kata gi dho jonabi, kata gi yor lek. Emomiyo aluongi ni mondo inyisa gima onego atim.”

1 Samuel 28:5

Kane Saulo oneno jolweny jo-Filistia, luoro nomake, mokirni ahinya.