1 Samuel 27:12 - MUMA MALER 2015

¹² To Akish nogeno Daudi, koparo niya, “Osemiyo jogi ma jo-Israel sin kode chuth, omiyo nobed ng’ata mosiko.”

Motingʼo Loko Manyien

¹² Akish nogeno Daudi kendo nowacho e chunye owuon niya, “Osebedo tik marach ne ogandane ma jo-Israel, omiyo obiro bedo jatichna nyaka chiengʼ.”

1 Samuel 27:12 ပူးပေါင်းရင်းမြစ်များ

Chakruok 34:30

Jakobo nowacho ni Simeon gi Lawi niya, “Usekelona chandruok, kendo usemiyo jo-Kanaan gi jo-Perizi ma weg pinyni mon koda. An mana gi ji manok kende, omiyo ka jo-pinyni oriwona, to ginyalo tieka kaachiel gi jooda duto.”

2 Samuel 10:6

Jo-Amon noneno ni gisemiyo Daudi ojok kodgi, omiyo ne giholo jolweny alufu piero ariyo kuom jo-Aram ma Beth-rehob, kod jo-Aram ma Zoba, kendo ne giwako ruoth Maaka kod joge alufu achiel kaachiel gi jo-Tob alufu apar gariyo.

Wuok 5:21

mi giwachonigi niya, “Nyasaye mondo one gima usetimo, kendo okumu kuom miyo Farao gi jodonge bedo mamon kodwa. Useketo ligangla e lwetgi mondo ginegwago!”

1 Samuel 13:4

mi jo-Israel duto nowinjo ni Saulo osenego jatend jolweny mag jo-Filistia, kendo ni jo-Filistia ojok kodgi. Omiyo ne giwakore ir Saulo, mane oyudo ni Gilgal.

1 Samuel 27:11

Daudi ne ok we ng’ama dichwo kata madhako kangima, mane dikel wach Gath, nikech noparo niya, “Dipo ka gidonjonwa, ka ginyiso gima watimo.” Kamano e kaka tim Daudi nobet ndalo duto mane odakie e piny jo-Filistia.

1 Samuel 28:1

Ndalogo jo-Filistia nochoko jolweny duto mondo giked gi jo-Israel. Akish nowacho ni Daudi niya, “Ng’e malong’o ni in kaachiel gi jogi nyaka udhi koda e lweny.”