1 Samuel 26:8 - MUMA MALER 2015

⁸ Abishai nowacho ni Daudi niya, “Nyasaye oseketo jasiki e lweti tinendeni. Yiena mondo achwowe dichiel gi tong’e, ariwe gi lowo, mak anwoyo lweta!”

Motingʼo Loko Manyien

⁸ Abishai nowachone Daudi niya, “Kawuono Nyasaye oseketo jasiki e lweti. Koro yiena mondo achwowe dichiel gi tonga; ok abi chwowe diriyo.”

1 Samuel 26:8 ပူးပေါင်းရင်းမြစ်များ

2 Samuel 16:9

Abishai wuod Zeruya nowacho ni ruoth niya, “Marang’o iweyo guok mothoni kuong’i? Yiena mondo adhi ang’ad wiye oko.”

Zaburi 31:8

Ok iseweyo mondo wasika omaka, to isegola oko, kimiya thuolo.

Jeremia 40:15

Eka Johanan nowachone ling’ling’ niya, “We mondo adhi aneg Ishmael, kendo onge ng’ama biro ng’eyo ni an ema anege. Ere gima omiyo diwe mondo onegi, to mano nyalo miyo jo-Yahudi duto moseduogo iri ke, mi ji duto modong’ e Juda rum?”

Nahum 1:9

Un jo-Asuria ere gima omiyo upiem gi Ruoth Nyasaye? Obiro tiekou en owuon! Joma mon kode ok nohedhre piem kode kendo!

Jo-Rumi 11:32

Nyasaye nomiyo ji duto obedo joma otamore winjo wach kamano mondo ong’wonnigi giduto.

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?

Joshua 21:44

Ruoth Nyasaye nomiyogi kue e tong’gi duto kaka nosesingore ni kweregi. Onge wasikgi kata achiel mane nyalo sirogi, nikech Ruoth Nyaaye ema nomiyo giloyogi duto.

Jong’ad Bura 1:4

Jo-Juda nodhi momonjo jo Kanaan kod jo-Perizi modak kuno, kendo Ruoth Nyasaye nochiwogi e lwetgi, mi ne ginego ji alufu apar kuomgi e dala mar Bezek.

1 Samuel 23:14

Daudi nodak kuonde rogo e piny gode manie thim Zif. Saulo ne dware pile, to Nyasaye ne ok ochiwe e lwete.

1 Samuel 24:4

Joma ne Daudi nigo nowachone niya, “Kinde koro osechopo ma Ruoth Nyasaye oketoe jasiki e lweti kaka nosingore. Omiyo timne gima idwaro.”

1 Samuel 24:5

To ka nosetimo kamano chunye noridore. Saulo nowuok oa e rogo, modhi nyime gi wuodhe.

1 Samuel 26:23

Ruoth Nyasaye ema miyo ng’ato ka ng’ato pok mowinjore gi timne makare kod adierane. Ruoth Nyasaye nende oketi e lweta, to nadagi tero lweta kuom ruoth mowir ma Ruoth Nyasaye oyiero.

1 Samuel 26:7

Omiyo Daudi gi Abishai nodhi kuno gotieno, moyudo Saulo ka nindo e dier kambi, to tong’e ochwowo piny gi yo ka wiye. Abner gi jolweny bende ne nindo bute alwora.

1 Samuel 26:9

To Daudi nodwoke niya, “Kik inege, nimar onge ng’ama nyalo tero lwete kuom ruoth mowir ma Ruoth Nyasaye oyiero, mak doyud bura.”