1 Samuel 26:6 - MUMA MALER 2015

⁶ Daudi nowacho ni Ahimelek ja-Hiti, kod Abishai wuod Zeruya ma owadgi Joab niya, “Ere ng’ama didhi koda mwalo e kambi Saulo?” Abishai nodwoke ni, “Wadhi kodi.”

Motingʼo Loko Manyien

⁶ Daudi nopenjo Ahimelek ja-Hiti gi Abishai wuod Zeruya, mowadgi Joab niya, “Ngʼama biro dhi koda mwalo e kambi ir Saulo?” Abishai nowacho niya, “Abiro dhi kodi.”

1 Samuel 26:6 ပူးပေါင်းရင်းမြစ်များ

Chakruok 10:15

Kanaan nonywolo yawuowi ariyo. Ne gin Sidon, ma wuode ma kayo, kod Heth.

Chakruok 15:20

gi jo-Hiti gi jo-Perizi, gi jo-Refaim

Chakruok 23:3

Bang’e nowuok moweyo ringre Sara kanyo. Nodhi mowacho ni jo-Hiti ma weg pinyno niya,

Chakruok 26:34

Kane Esau ja-higni piero ang’wen, nokendo Judith nyar Beeri, ja-Hiti, kod Basemath nyar Elon ma bende ja-Hiti.

2 Samuel 11:21

Paruru ane ng’ama nonego Abimelek wuod Jerubaal. Ok mana dhako ema nodiro pong’ rego kuome, gi ewi ohinga mar Thebez, monege? Ka ung’eyo kamano to ere gimomiyo nusudo machiegni gi ohinga?’ Kapo ni openji kamano, to iwachne ni Uria ja-Hiti bende otho.”

2 Samuel 11:24

To jo-asere mane ni ewi ohinga nochielo jolwenji, kendo jomoko kuom thuondi magi notho. Uria bende osetho.”

2 Samuel 11:6

Daudi nooro ni Joab wach niya, “Orna Uria ja-Hiti.” Mi Joab nooro Uria ir Daudi.

2 Samuel 12:9

Marang’o nichayo wach Ruoth Nyasaye, mitimo gima ok long’one? Isenego Uria ja-Hiti kuom golo chik otho e lwet jo-Amon, kendo isekawo chiege mi obedo chiegi.

2 Samuel 18:5

Ruoth nochiko Joab gi Abishai kod Itai niya, “Akwayou ni kik uhiny rawera ma Absalom.” Jolweny duto nowinjo ka ruoth chiko jotelo ni kik gihiny Absalom.

2 Samuel 2:13

Joab wuod Zeruya, kaachiel gi joma ne luwo Daudi bende nowuok Hebron, mi ogendini ariyogi noromo e yawo man Gibeon. Jo-Daudi nobet e bath yawo konchiel, to jo-Ishbosheth nobet e bath yawo komachielo.

2 Samuel 2:18

Yawuot Zeruya adek duto ne ni kanyo. Ne gin Joab gi Abishai kod Asahel. To Asahel, mane tiende yot ka mwanda,

2 Samuel 23:18

Abishai owadgi Joab, wuod Zeruya, ema ne jatend thwondi piero adekgo. Nonego ji mia adek gi tong’ mi nobedo ng’at marahuma kuom thuondigo.

2 Samuel 23:34

gi Elifelet wuod Ahasbai ja-Maaka, gi Eliam wuod Ahithofel ja-Gilo,

2 Samuel 23:39

kod Uria ja-Hiti. Duto ne gin ji piero adek gariyo.

1 Ruodhi 10:29

Gari achiel ning’iewo Misri gi kilo abiriyo mag fedha, to faras achiel nengone noromo kilo ariyo, kendo johala mag ruoth ne terogi ni ruodhi duto mag jo-Hiti gi mag jo-Aram.

2 Ruodhi 7:6

nimar Ruoth Nyasaye nosemiyo oganda jo-Aram owinjo koko mar geche gi farese, machalo oganda maduong’, mi giwacho kendgi niya, “Winjuru! Ruodh Israel osewako ruodhi mag jo-Hiti gi mag jo-Misri mondo obi oked kodwa.”

Joshua 3:10

Tinende unuyud ranyisi ni Nyasaye mangima ni kodu, kendo nodarnu jo-Kanaan gi jo-Hiti gi jo-Hivi gi jo-Perizi gi jo-Girgash gi jo-Amor kod jo-Jebus.

1 Samuel 26:7

Omiyo Daudi gi Abishai nodhi kuno gotieno, moyudo Saulo ka nindo e dier kambi, to tong’e ochwowo piny gi yo ka wiye. Abner gi jolweny bende ne nindo bute alwora.