1 Samuel 26:5 - MUMA MALER 2015

⁵ Eka nowuok, modhi kanyono, moneno kama Saulo gi Abner wuod Ner, jatend jolweny, jonindoe e dier kambi, to joge noguro hembegi alwora.

Motingʼo Loko Manyien

⁵ Eka Daudi nowuok modhi kuma Saulo nojotie. Noneno kama Saulo gi Abner wuod Ner ma jatend jolwenje, noyudo osenindoe. Saulo ne nindo ei kambi, ka jolweny olwore.

1 Samuel 26:5 ပူးပေါင်းရင်းမြစ်များ

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

1 Weche mag Ndalo 9:39

Ner nonywolo Kish, to Kish nonywolo Saulo, to Saulo nonywolo Jonathan gi Malkishua gi Abinadab kod Eshbaal.

1 Samuel 17:20

Daudi nochiew gokinyi mang’ich, moweyo rombe gi jorit. Nokawo gigo modhi kaka Jesse nochike. Nochopo e kambi mana ka jolweny wuok dhi kedo, kendo ka gigiyo sigich lweny.

1 Samuel 17:55

Kane Saulo oneno Daudi kadhi kedo gi ja-Filistia, nopenjo Abner jatend jolweny niya, “Abner, wuowino en wuod ng’a?” Abner nodwoke ni, “Ruoth, ok ang’eye ngang’.”

1 Samuel 26:4

nooro jombetre, mofwenyo kama Saulo obworoe.

1 Samuel 9:1

Ne nitie ja-Benjamin moro, ma nyinge Kish, wuod Abiel, wuod Zeror, wuod Bekorath, wuod Afia. Ne en jaduong’ ma japith.