1 Samuel 26:21 - MUMA MALER 2015

²¹ Eka Saulo nowacho niya, “Aseketho. Duogi, Daudi wuoda. Ok nachak atimni gima dihinyi, nikech nende iluoro ngimana. Awuoro, asefuwo, kendo alal marach.”

Motingʼo Loko Manyien

²¹ Eka Saulo nowacho niya, “Asetimo marach, omiyo duogi, Daudi wuoda. Nikech ne ineno ni ngimana ber kendo owinjore bedie kawuono. Ok nachak atem mondo ahinyi kendo. Adieri asetimo tim ngʼat mofuwo kendo aseketho marach.”

1 Samuel 26:21 ပူးပေါင်းရင်းမြစ်များ

2 Ruodhi 1:13

Eka ruoth nooro jatelo mar adek kod joge piero abich. Jatelono nodhi, mogoyo chonge piny e nyim Elija, kosaye niya, “Yaye ng’at Nyasaye, akwayi ni mondo ngimana kod ngima ji piero abichgi obedni ka gima igeno e chunyi.

2 Ruodhi 1:14

Wasewinjo kaka mach noa e polo monego jotelo ariyogo, kaachiel gi jogi mag lweny, to koro mondo ngimana obedni ka gima igeno e chunyi.”

Zaburi 116:15

Mano kaka lit ni Ruoth Nyasaye ka ng’ate moro otho!

Zaburi 49:8

nikech nengo mar ngima dhano duong, malich moloyo! Gima onyalo chulo ok nyal romo mone tho,

Zaburi 72:14

Ogologi e thagruok, kendo e timbe mahundu, nimar okwano ngimagi ka gima nengogi tek.

Wuok 9:27

Farao noluongo Musa gi Harun, mowachonigi niya, “Koro aseketho. Ruoth Nyasaye e man kare, to an, kaachiel gi joga, ema wasetimo marach,

Kwan 22:34

Balaam nowacho ni malaika mar Ruoth Nyasaye niya, “Aseketho. Ne ok ang’eyo ni ichung’ e nyima e yo mondo igeng’na. To koro ka wuodhani ok berni, to ayie dok dala.”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

1 Samuel 13:13

Samuel nowacho ni Saulo niya, “Itimo tim mofuwo. Ok iserito chik mane Ruorh Nyasaye omiyi. Da bed ni iserito chikne, to da oguro lochni e Israel nyaka chieng’.

1 Samuel 15:24

Saulo nowacho ni Samuel niya, “Aseketho, kaweyo luwo chik Ruoth Nyasaye kod wechene bende, nimar naluoro ji, kendo nawinjo dwondgi.

1 Samuel 15:30

Eka Saulo nowacho niya, “Aseketho, to kata kamano, asayi, miya duong’ kawuono e nyim jodong joga, kendo e nyim jo-Isarel. Wichri wadog kodi, mondo alam Ruoth Nyasaye ma Nyasachi.”

1 Samuel 18:30

E kinde ka kinde mane jotend lweny mag jo-Filistia odhi kedo gi jo-Israel, Daudi ne kedo matek, kendo nonego ji moloyo jolwenj Saulo moko duto. Omiyo nyinge noyudo pak maduong’.

1 Samuel 24:17

komedo wacho ni Daudi niya, “In ng’at makare moloya, nikech isetimona maber, to an to asetimoni marach.

1 Samuel 26:22

Mi Daudi nodwoke niya, “Ruoth, ne tong’i! Or jalweny moro mondo obi loka ku, oome.

1 Samuel 26:24

Kaka ngimani nende long’o e wang’a, e kaka ngimana bende mondo obed malong’o e wang’ Ruoth Nyasaye, kendo en ema mondo oresa e masiche duto.”

1 Samuel 27:4

Kane onyis Saulo ni Daudi oseringo nyaka Gath, noweyo dware.