1 Samuel 26:11 - MUMA MALER 2015

¹¹ Kuero ngang’! Kik ater lweta kuom ruoth mowir ma Ruoth Nyasaye oyiero. To wakaw mana tong’ ma yo ka wiyeno, kod puga mar pino mondo wadhigo.”

Motingʼo Loko Manyien

¹¹ To Jehova Nyasaye ok diyiena ni mondo ater lweta kuom ngʼat Jehova Nyasaye mowir. Koro kaw tongʼ gi puga mar pi machiegni gi wiye kaeto wadhi.”

1 Samuel 26:11 ပူးပေါင်းရင်းမြစ်များ

2 Samuel 1:14

Daudi nowachone ni, “Marang’o ne ok iluoro tero lweti kuom ruoth mowir ma Ruoth Nyasaye oyiero?”

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

Zaburi 17:4

kaka ji mamoko, to aserito chikni, kendo ok aseluwo timbe mag mahundu.

Jo-Rumi 12:17

Ka ng’ato otimonu marach, to kik uchulne kuor, to keturu chunyu kuom timo gik ma ji duto oyiego ni beyo.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

1 Samuel 12:3

Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

1 Samuel 24:12

Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.

1 Samuel 24:4

Joma ne Daudi nigo nowachone niya, “Kinde koro osechopo ma Ruoth Nyasaye oketoe jasiki e lweti kaka nosingore. Omiyo timne gima idwaro.”

1 Samuel 24:6

To Daudi nowacho ni joge niya, “Ruoth Nyasaye mondo ogeng’a kik ahiny ruodha, kata mana lith lweta kik ater kuome, nikech en ng’at mowir ma Ruoth Nyasaye oyiero.”