1 Samuel 25:39 - MUMA MALER 2015

³⁹ Kane Daudi owinjo ni Nabal osetho, nowacho niya, “Apako Ruoth Nyasaye mosechulo kuor kuom achaye ma nayudo kuom Nabal, kendo ma nogeng’ona ni kik atim richo. To Ruoth Nyasaye osedwoko richo Nabal e wiye owuon.” Eka Daudi nooro wach ni Abigail, mondo okende.

Motingʼo Loko Manyien

³⁹ Kane Daudi owinjo ni Nabal osetho, nowacho niya, “Pak obed ne Jehova Nyasaye, mosechulo kuor kuom ajara mane Nabal ojarago. Osegengʼo jatichne mondo kik otim marach mi oseketo timbene maricho e wiye owuon.” Eka Daudi nooro wach ne Abigael, kopenje mondo obed chiege.

1 Samuel 25:39 ပူးပေါင်းရင်းမြစ်များ

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

1 Ruodhi 2:44

Ruoth nomedo wacho ni Shimei niya, “Ing’eyo richo duto mane itimo ni Daudi wuora. Emomiyo Ruoth Nyasaye nodwok richoni e wiyi.

Zaburi 7:16

Kamano richone dok e wiye owuon, ka timbene mag mahundu hinye mana en owuon.

Zaburi 9:5

Isekwero ogendini ma ok ong’eyi, kendo itieko joricho, mi irucho nyinggi oko nyaka chieng’.

Ngeche 18:22

Ng’at mokendo dhako oyudo gima ber. En gi hap Ruoth Nyasaye.

Ngeche 19:14

Dala kod mwandu ema wuon nyathi weyone. Dhako mariek to Ruoth Nyasaye ema chiwo.

Ngeche 22:23

nimar Ruoth Nyasaye nochwak joma kamago, kendo nokum ng’ato ang’ata ma yakogi.

Ngeche 31:10

Dhako malong’o ber moloyo kite ma nengogi tek. Mano kaka yudo dhako ma kamano tek!

Ngeche 31:30

Ber mar wang’ wuondo ji. Adier, chia bende rumo, to dhako ma oluoro Ruoth Nyasaye ema yudo pak.

Wer Mamit 8:8

“Wan gi nyaminwa moro matin, ma thunde pok ochwopo. Koro wabiro time nadi, ka wuowi obiro dware?

Mika 7:9

Aseketho e nyim Ruoth Nyasaye omiyo ayie mirimbe nyaka ochwaka, mi ong’adna bura maber, kendo ogola oko e ler, mi ane ni otimo gima kare kaka nosingore.

2 Jo-Korintho 13:7

Walamo Nyasaye ni mondo kik udonji e richo. To ok walem kamano ni mondo wanyisgo ni wan kare, to mana ni mondo utim gik mabeyo, kata obedo ni wachalo joma orem kamano.

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

2 Timotheo 4:18

Bende ang’eyo ni Ruoth pod biro resa kuom gimoro amora madwaro hinya, mi ochopa maber e polo kuma olochoe. Duong’ obedne nyaka chieng’. Amin.

Jong’ad Bura 5:2

“Pakuru Ruoth Nyasaye, nikech jo-Israel duto gi jotendgi nochiwore ni lweny.

1 Samuel 24:15

Ruoth Nyasaye mondo ong’ad bura e kindwa kodi. En mondo oyalwa kodi, nikech ong’eyo ni obiro chwaka, kendo wacho ni aonge ketho.”

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 25:32

Daudi nodwoko Abigail niya, “Apako Ruoth Nyasaye ma Nyasach Israel, moori tinendeni mondo irom koda.

1 Samuel 25:34

Adier, gi nying Ruoth Nyasaye ma Nyasach Israel, mosegeng’a ni kik atimni malit, ka da ok ireto ka ibiro romona, to kiny ka piny oru ok dodong’ni Nabal kata ng’ama dichwo achiel.”

1 Samuel 25:40

Kane jotich Daudi obiro Karmel ir Abigail, ne giwachone niya, “Daudi oorowa iri, ni mondo wadhi kodi ibed chiege.”

1 Samuel 26:10

Eka nomedo wacho niya, “Gi nying Ruoth Nyasaye, Ruoth Nyasaye ema chieng’ notieke, kata ka chieng’ thone ochopo, kata kodhi e lweny.