1 Samuel 25:34 - MUMA MALER 2015

³⁴ Adier, gi nying Ruoth Nyasaye ma Nyasach Israel, mosegeng’a ni kik atimni malit, ka da ok ireto ka ibiro romona, to kiny ka piny oru ok dodong’ni Nabal kata ng’ama dichwo achiel.”

Motingʼo Loko Manyien

³⁴ Ka ok kamano, to akwongʼora gi nying Jehova Nyasaye mangima ma Nyasach Israel, mosegengʼa mondo kik ahinyi, ka dine ok ibiro piyo mondo iromna, to dine ok odongʼ dichwo moro amora ka Nabal.”

1 Samuel 25:34 ပူးပေါင်းရင်းမြစ်များ

Chakruok 20:6

Nyasaye nodwoke niya, “Ee, ang’eyo ni isetimo kamano kikia. Kuom mano ne ok ayie mondo iriwri kode, mi iketh e nyima.

Joshua 10:6

To jo-Gibeon nooro wach ni Joshua e kambi Gilgal ka giwachone niya, “Bi ikonywa, kik iwewa, nikech ruodhi mag jo-Amor modak e piny gode oseriwore mondo onywaknwa. Omiyo bi mondo ireswa.”

Joshua 10:9

Eka Joshua noa Gilgal, mowuotho otieno duto nyaka Gibeon. Nomonjo jo-Amor apoya,

1 Samuel 11:11

Kinyne Saulo nopogo joge e migepe adek. Ne gimwomore e kambi jo-Amon kogwen, mi ginegogi nyaka chieng’ otegno. Jo-Amon mane odong’ noke, mane ok nyal nwang’ kata ji ariyo kaachiel.

1 Samuel 25:18

Kuom mano Abigail noreto, mokawo makati mia ariyo, gi ndede ariyo mag divai, gi rombe abich moseyang’, gi migerni abich mag chamb aloda, gi tombo mia achiel mag olemb mzabibu motwo mong’in, kod tombo mia ariyo mag olemb ng’owo mong’in moting’ogi gi kanje.

1 Samuel 25:22

Nyasaye mondo okweda ka aweyo kata ng’at achiel madichwo kuom joge kangima kawuononi!”

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 25:39

Kane Daudi owinjo ni Nabal osetho, nowacho niya, “Apako Ruoth Nyasaye mosechulo kuor kuom achaye ma nayudo kuom Nabal, kendo ma nogeng’ona ni kik atim richo. To Ruoth Nyasaye osedwoko richo Nabal e wiye owuon.” Eka Daudi nooro wach ni Abigail, mondo okende.