1 Samuel 25:33 - MUMA MALER 2015

³³ Oguedh riekoni, kendo in bende oguedhi, nikech isegeng’a kawuono ni kik achuer remo, kendo kik achul kuor.

Motingʼo Loko Manyien

³³ Mad gwedhi kuom ngʼado buchi maber kendo kuom gengʼa mondo kik achwer remo kawuononi mar chulo kuor gi lwetena awuon.

1 Samuel 25:33 ပူးပေါင်းရင်းမြစ်များ

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Wuok 22:2

Nyaka ochule te. To ka jakuogno jachan, to nyaka ong’iewe ka misumba, mondo pesa mong’iewego obed chudo kar gima osekwalo. To ka oyude gi chiayono ka pod ngima, kata bed ni en rwath kata kanyna kata mana rombo, to nyaka ochul nyadiriyo. “Ka ojuk jakuo ka turo ot, mi onege, to ok noyal ng’at monegeno e buch nek. To ka gima kamano otimore ka chieng’ osewuok, to nyaka yal ng’at monegeno e buch nek.

Ngeche 13:14

Puonj mar ng’at mariek en soko mar ngima, ma reso ng’ato e tho.

Ngeche 17:10

Kikwero ng’at mariek dichiel kende, to opuonjore maber, moloyo ng’at mofuwo migoyo ndalo mia achiel, eka winj gimoro.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 27:21

Mach ema itemogo dhahabu kod fedha. Chuny dhano to itemo gi pak.

Ngeche 28:23

Kikwero ng’ato e wang’e, to nopaki moloyo kipere.

Ngeche 9:9

Bende kipuonjo ng’at man gi rieko, to omedo bedo mariek. Chutho, kinyiso ng’at makare gimoro, to omedo mana puonjore.

1 Samuel 24:19

Ka ng’ato oyudo jasike, doweye mak onege koso? Emomiyo Ruoth Nyasaye mondo omiyi pok maber kuom tim misetimona kawuono.

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 25:31

ok nine malit, kendo ok nichari kendi, kuom chuero remo kayiem, kata kuom chulo kuor. To ka Ruoth Nyasaye osetimoni maber, eka mondo ipara.”