1 Samuel 25:28 - MUMA MALER 2015

²⁸ Asayi, wena kethona, nimar adier Ruoth Nyasaye nomi dhoodi bedo mosiko, nikech ikedo gi wasike. Onge masira ma biro nwang’i e ndaloni duto.

Motingʼo Loko Manyien

²⁸ “Yie iwene jatichni kethone, nimar Jehova Nyasaye nyaka nomi dhood ruodha loch mosiko, nikech okedo lwenje mag Jehova Nyasaye. Kik iyie ketho moro oyud kuomi kapod ingima.

1 Samuel 25:28 ပူးပေါင်းရင်းမြစ်များ

2 Samuel 5:2

E ndalo ruodhwa mokadho, kane Saulo pod ruodhwa, in ema nitelo ni jo-Israel e lwenjegi duto, kendo Ruoth Nyasaye nowachoni niya, ‘Inibed jakwadh joga Israel, kendo in ema nibed ruodhgi.’ ”

2 Samuel 7:11

chakre ndalo mane aketoe jobura mondo oritgi, to anamiyi kue e kindi gi wasiki duto. To bende awacho ni anaguedh dhoodi mondo osiki.

2 Samuel 7:16

Dhoodi gi lochni ogur matek e nyima, kendo lochni nosik nyaka chieng’.’ ”

2 Samuel 7:27

nimar in, Ruoth Nyasaye Manyalo Gik Moko Duto en Nyasach Israel, ema isenyisa wach ni ibiro dongo oda. Kuom mano asebedo gi chir mondo alem kama e nyimi.

1 Ruodhi 15:3

Abija ne timo richo duto mane wuon mare otimo. Chunye ne ok long’o ni Ruoth Nyasaye kaka chuny Daudi kwar mare ne long’o.

1 Ruodhi 15:5

nimar Daudi notimo gik malong’o ni Ruoth Nyasaye, kendo e ngimane duto ne ok oketho wach moro mane ochike, mak man wach Uria ja-Hiti.

1 Ruodhi 9:5

eka anagur loch mar nyikwayi e Israel nyaka chieng’ mana kaka nasingora ni Daudi wuoru, ka awachone ni, ‘Ndalo duto, nyikwayi nobed ruodhi mag Israel.’

1 Weche mag Ndalo 17:10

chakre ndalo mane aketoe jobura mondo orit joga Israel, to natiek wasiki duto. An Ruoth Nyasaye anamiyi duong’, kendo anaguedh dhoodi mondo osiki.

1 Weche mag Ndalo 17:25

In, Nyasacha, isenyisa ni ibiro dongo oda. Kuom mano asebedo gi chir mondo alem e nyingi.

2 Weche mag Ndalo 20:15

Nowacho niya, “Un jo-Juda duto gi joma odak Jerusalem, kod ruoth Jehoshafat, winjuru gima Ruoth Nyasaye owachonu. Owacho ni kik uluor oganda maduong’ni, kendo chunyu kik parre, nimar lweny ok en maru to en mar Nyasaye.

Zaburi 7:3

A Ruoth Nyasacha, kapo ni asetimo ni ng’ato marach,

Zaburi 89:29

Pile nyakware moro nobed ruoth, kendo lochne nobed mogurore ka polo.

Kwan 23:21

Onge ketho moseyudo kuom joka Jakobo. Ooyo, onge richo moseneno kuom jo-Israel. Ruoth Nyasaye ma Nyasachgi ni kodgi en ema giyie ni en Ruodhgi.

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Luka 23:41

To wan okumwa kare, nikech wayudo gima owinjore gi timwa. Jali to onge gima rach mosetimo.”

Luka 23:47

Kane jaduong’ lweny oneno gima otimore, nomiyo Nyasaye duong’, kowacho ni, “Adier jali ne en ng’at makare!”

1 Samuel 15:28

Eka Samuel nokone niya, “Kawuono Ruoth Nyasaye oyiecho loch Israel kuomi, kendo omiyo ng’at machielo, maber moloyo.

1 Samuel 17:47

Kamano joma ochokore ka duto biro ng’eyo ni Nyasaye ok res joge gi ligangla kod tong’. Lweny en mar Ruoth Nyasaye, kendo en ema obiro ketou e lwetwa.”

1 Samuel 18:17

Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.

1 Samuel 22:14

Ahimelek nodwoko ruoth niya, “To kuom jotichni duto, ere ng’at ma jaadiera ma dirom gi Daudi ma ori, ma jatend joma riti, kendo momi duong’ e odi?

1 Samuel 24:11

Bende wuora, ng’i ine riak lawi manie lweta. Nang’ade to ne ok anegi. Mano nyalo nyisi ni aonge gi paro mar timoni marach kamano. Kata obedo ni ilawa mondo inega, an to pok akethoni.

1 Samuel 24:17

komedo wacho ni Daudi niya, “In ng’at makare moloya, nikech isetimona maber, to an to asetimoni marach.

1 Samuel 24:21

Koro kuong’rina e nying Ruoth Nyasaye ni ok nitiek nyikwaya kata ok niruch nyinga kuom dhoodwa.”

1 Samuel 24:4

Joma ne Daudi nigo nowachone niya, “Kinde koro osechopo ma Ruoth Nyasaye oketoe jasiki e lweti kaka nosingore. Omiyo timne gima idwaro.”

1 Samuel 25:24

Nolung’ore e tiende, mowachone niya, “Ruoth, kwana ka jaketho. To kata kamano, yie awuo kodi, kendo iwinj wachna.

1 Samuel 29:3

Kane jotend jo-Filistia oneno kamano, ne gipenjo niya, “Jo-Hibraniagi to timo ang’o ka?” Akish nodwokogi niya, “Jali e Daudi, mane jatich Saulo ruodh Israel. Koro osedak koda moloyo higa achiel, to chakre ndalo mane obiroe ira, pok aneno rach moro kuome nyaka chil kawuono.”

1 Samuel 30:26

Kane Daudi odok Ziklag, nooro gik mope moko ni jodong Juda ma osiepene, kowachonigi niya, “Aoronu mich moa kuom gik mwapeyo kuom wasik Ruoth Nyasaye.”