1 Samuel 25:21 - MUMA MALER 2015

²¹ Noyudo Daudi osewacho niya, “Nathagora kayiem, karito mwandu jali e thim, mak gimoro olal. To kata obedo ni asetimone maber kamano, en to osetimona tim marach.

Motingʼo Loko Manyien

²¹ Daudi noyudo osewacho niya, “Kara ne en gima nono ka athagora gi rito mwandu ngʼatni e thim, maonge kata mana gire mane olal. To osechula mana rach kar ber mane atimone.

1 Samuel 25:21 ပူးပေါင်းရင်းမြစ်များ

Chakruok 44:4

To kane pok gidhi mabor ahinya gi dala, Josef nochiko jaduong’ ode niya, “Dhiyo ilaw joka, kendo kisejukogi, to mondo ipenjgi kama: ‘Mar ang’o uchulo richo kar ber?

Ayub 30:8

Gin joma ofuwo ma onge nying, mane oriemb oko e pinygi.

Zaburi 35:12

Kata obedo ni asetimonigi maber, to gin gitimona mana marach. Kuom mano chunya okuyo malit.

Zaburi 37:8

Kik ibed gi mirima, kendo kik iwe iyi wang’, nikech mano nyalo teri e richo.

Zaburi 38:20

Joma chulo rach kar ber mon koda nikech atimo gik makare.

Ngeche 17:13

Kitimo marach ni ng’at mosetimoni maber, to masira ok norum e odi.

Jeremia 18:20

Richo bende ichulo kuom ber? Gin to gisekunyona bur mondo anyumrae. Par kaka ne abiro iri, mi awuoyo kodi, kakwayi mondo kik mirima maki kodgi.

Jo-Rumi 12:21

Kik uwe richo lou, to timuru gik mabeyo mondo ulogo richo.

Jo-Efeso 4:26

Ka mirima omako ng’ato kuomu, to kik owe mirima tere e richo, kendo kik owe chieng’ podhi ka pod en gi mirima.

Jo-Efeso 4:31

Kuom mano, weuru kecho, gi mirima, gi ichwang’, gi dhaw, gi ayany, kod himruok duto.

1 Jo-Thesalonika 5:15

Neuru ni onge ng’ato machulo richo kar richo, to ndalo duto temuru mondo utim maber e kindu uwegi, kendo ni ji duto.

1 Petro 3:17

Ber mondo uyud chandruok nikech tim mabeyo, kapo ni mano e gima Nyasaye dwaro, moloyo yudo chandruok kuom tim maricho,

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

1 Samuel 25:13

Eka Daudi nowacho ni joge niya, “Ng’ato ka ng’ato mondoo otue liganglane!” Mi ne gitimo kamano giduto, koda ka Daudi bende. Eka ji ma dirom mia ang’wen nodhi gi Daudi, to ji mia ariyo nodong’ ka rito gigegi.

1 Samuel 25:15

To jo-Daudi nosetimonwa maber ndalo duto mane wan kodgi, kwakwayo rombe e thim. Ne ok githagowa, kata girwa moro ne ok olalnwa,

1 Samuel 25:20

Kane oyudo olor gi kanje e hoho manie got, nopo koneno Daudi gi joge ka biro, mi noromo kodgi.

1 Samuel 25:7

Asewinjo kaka koro ung’ado yie rombe. Ka yande jokwadhi kwayo butwa, to ne ok watimonigi marach, bende gimoro ok nolalnigi ndalo duto mane gin Karmel.