1 Samuel 25:17 - MUMA MALER 2015

¹⁷ Emomiyo koro, par gima onego itim, nikech gima rach biro timore ni ruodhwa. To nimar ing’eyo ni en ng’at machach, kendo onge ng’ama nyalo wuoyo kode.”

Motingʼo Loko Manyien

¹⁷ Koro par ane wach kendo ne gima inyalo timo, nikech chandruok dhi biro ne ruodhwa gi joge duto. Nikech en ngʼat ma achach maonge ngʼama nyalo wuoyo kode.”

1 Samuel 25:17 ပူးပေါင်းရင်းမြစ်များ

2 Samuel 24:13

Omiyo Gad nodhi ir Daudi mopenje niya, “Ere gima iyiero? Idwaro mondo kech omak pinyu kuom higni adek? Koso idwaro ringo wasiki kuom dueche adek ka gilawi? Koso tho malit mondo obed e pinyu kuom ndalo adek? Parane, inyisa gima dadwok jal moora.”

1 Ruodhi 21:10

Eka uket ji ariyo macheje obed momanyore kode mondo odonjne, ka giwacho ni oseyanyo Nyasaye kod ruoth bende. Eka ugole oko, ugoye gi kite nyaka otho.”

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

2 Weche mag Ndalo 13:7

Kendo jomahundu manono noriwore kode mokwedo Rehoboam wuod Solomon ka ne pod en rawera ma chunye yom, kendo ma ok nyal sirogi.

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Ngeche 12:8

Ng’at mariek yudo pak. Ng’at maonge rieko to inyiero anyiera.

Rapar mar Chik 13:13

ka giwachonigi ni mondo gidhi gilam nyiseche mamoko ma un ok ung’eyo,

Jong’ad Bura 19:22

Eka sa mane gichiemono, ne gipo ka jodalano moko ma acheje obiro, molworo ot ka goyo dhoot, kendo wacho ni jaduong’ ma wuon ot niya, “Golnwa ng’at mane obiro kodi cha mondo waterrego.”

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.

1 Samuel 2:12

To yawuot Eli ne joma acheje, ma ok dew Ruoth Nyasaye.

1 Samuel 20:7

Kowacho ni, ‘Mano ber,’ eka anayud kue. To ka mirima omake, eka ning’e ni odwaro timona gimoro marach.

1 Samuel 20:9

Jonathan nodwoke niya, “We paro kamano! Ka da ang’eyo ni wuora dwaro timoni gimoro marach, donge danyisi?”

1 Samuel 25:16

to ne gibedonwa kaka ohinga mogeng’onwa odiechieng’ gotieno.

1 Samuel 25:18

Kuom mano Abigail noreto, mokawo makati mia ariyo, gi ndede ariyo mag divai, gi rombe abich moseyang’, gi migerni abich mag chamb aloda, gi tombo mia achiel mag olemb mzabibu motwo mong’in, kod tombo mia ariyo mag olemb ng’owo mong’in moting’ogi gi kanje.

1 Samuel 25:25

Ruoth, kik idew ng’at ma achach miluongo ni Nabal, nikech ochalo gi nyinge. Nabal e nyinge, kendo orabala adier. To an, ne ok aneno yawuowi ma nioro.