1 Samuel 25:10 - MUMA MALER 2015

¹⁰ Nabal nodwokogi niya, “Daudi to ng’a? Wuod Jesse to ang’o? Ndalogi wasumbni mang’eny ringo ka weyo ruodhigi.

Motingʼo Loko Manyien

¹⁰ Nabal nodwoko jotich Daudi niya, “Daudi-ni to en ngʼa? Wuod Jesseni to en ngʼa? Jotich mangʼeny ndaloni ngʼanyo ne ruodhigi.

1 Samuel 25:10 ပူးပေါင်းရင်းမြစ်များ

2 Samuel 20:1

To ne nitie ja-Benjamin moro kanyo ma achach, ma nyinge Sheba wuod Bikri. Nogoyo tung’ kowacho niya, “Waonge wat gi Daudi! Ok wan libamba achiel gi wuod Jesse. Wan jo-Israel, wadoguru dala.”

1 Ruodhi 12:16

Kane jo-Israel oneno ni ruoth ok odewogi, ne gidwoke niya, “Waonge wat gi Daudi! Ok wan libamba achiel gi wuod Jesse! Wadoguru dala, wan jo-Israel. Un oganda Daudi, koro rituru mana dhoodu.”

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Eklesiastes 7:10

Bende kik ipenjri gimomiyo chon gik moko ne dhi maber moloyo ndalogi, nikech mano en penjo mofuwo.

Isaya 32:5

Ng’at ma achach ok nochak oluong ni ng’at malong’o, bende ng’at ma jamganga ok nochak oluong ni ng’ama ogen,

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Jong’ad Bura 9:28

Gaal wuod Ebed nowacho niya, “Abimelek to en ng’a? Koso ere gima omiyo wan jo-Shekem dwatine? Donge wuod Jerubaal kod ng’ate ma Zebul josebedo ka tiyo ni jo-Hamor ma wuon Shekem? Koro ere gimomiyo wan dwatine?

1 Samuel 20:30

Saulo nokecho gi Jonathan, mowachone niya, “In wuod dhako ma wiye tek, kendo ma jajemo! Donge ang’eyo ni imako osiep gi wuod Jesse, ma biro keloni wichkuot, kendo ni meru monywoli bende?

1 Samuel 22:2

Bende ji duto mane nigi chandruok moro amora, kaka gowi kata ng’ur, nochokore ire, ma dirom mia ang’wen, mi odoko jatendgi.

1 Samuel 25:9

Kane yawuowigo ochopo ir Nabal, ne ginyise gima Daudi owacho. To kane gitieko wuoyo,