1 Samuel 24:4 - MUMA MALER 2015

⁴ Joma ne Daudi nigo nowachone niya, “Kinde koro osechopo ma Ruoth Nyasaye oketoe jasiki e lweti kaka nosingore. Omiyo timne gima idwaro.”

Motingʼo Loko Manyien

⁴ Jogo nowacho niya, “Ma e odiechiengʼ ma Jehova Nyasaye nowuoyo kuome kowacho ni, ‘Abiro keto jowasiki e lweti mondo itimne kaka idwaro!’ ” Eka Daudi nosudo lingʼ-lingʼ mongʼado riak law Saulo.

1 Samuel 24:4 ပူးပေါင်းရင်းမြစ်များ

2 Samuel 4:8

Ne gikelo wi Ishbosheth Hebron, ni Daudi, mi giwachone niya, “Ruoth, wakeloni wi Ishbosheth wuod Saulo, jasiki, mane dwaro negi. Tinendeni Ruoth Nyasaye osechuloni kuor kuom Saulo, kendo kuom kothe.”

Ayub 31:31

Ji duto matiyona ong’eyo malong’o ni pile asebedo ka arwako welo.

Zaburi 142:1

Aluongo Ruoth Nyasaye mondo okonya. Adier, aywakne matek!

Zaburi 57:1

Kecha, A Nyasaye! Yie ikecha, nikech aringo iri mondo ayud kar konyruok. Ee, ayueyo e tipo mar bwombeni nyaka masiche duto kadhi.

Wuok 21:13

To ka obothne, to onyalo ringo mondo odhi oresre kuma abiro nyisou.

1 Samuel 22:1

Kuom mano, Daudi noringo modhi otony e rogo mar Adulam. Kane owetene kod joodgi duto owinjo wachno, ne gidhi ire kuno.

1 Samuel 23:17

Nowachone niya, “Kik iluor, nimar Saulo wuora ok bi nwang’i. Inibed ruodh Israel, to anabed jalupni. Saulo wuora bende ong’eyo kamano.”

1 Samuel 23:7

Saulo nowinjo ni Daudi odhi Keila, mi nowacho niya, “Nyasaye osechiwe e lweta nikech kosedonjo e dala man gi rangeye kod radedi, to osemakore owuon.”

1 Samuel 24:10

Ne kaka Ruoth Nyasaye nende oketi e lweta ei rogo kawuono. Jomoko nende owachona ni mondo anegi, to naweyi. Nende awacho ni ok nater lweta kuom ruodha, nikech en ng’at mowir ma Ruoth Nyasaye oyiero.

1 Samuel 24:18

Ng’wono mitimona kawuono duong’ motamore gi nono, nikech Ruoth Nyasaye noketa e lweti, to ne ok inega.

1 Samuel 26:23

Ruoth Nyasaye ema miyo ng’ato ka ng’ato pok mowinjore gi timne makare kod adierane. Ruoth Nyasaye nende oketi e lweta, to nadagi tero lweta kuom ruoth mowir ma Ruoth Nyasaye oyiero.