1 Samuel 24:18 - MUMA MALER 2015

¹⁸ Ng’wono mitimona kawuono duong’ motamore gi nono, nikech Ruoth Nyasaye noketa e lweti, to ne ok inega.

Motingʼo Loko Manyien

¹⁸ Koroni eka isewachona tim maber misetimona; Jehova Nyasaye noketa e lweti to ne ok inega.

1 Samuel 24:18 ပူးပေါင်းရင်းမြစ်များ

Chakruok 38:26

Juda nong’eyo gigo, mowacho ni, “En ema en kare, to an ema asetimo marach, nikech nonego amiye Shela wuoda mondo okende.” Bang’ mano Juda ne ok ochako oriwore kode kendo.

Zaburi 31:8

Ok iseweyo mondo wasika omaka, to isegola oko, kimiya thuolo.

Zaburi 7:5

to onego wasika lawa mi juka, kendo goya nyaka nega, mi giweya ka atho kama apodhoeno.

Ngeche 25:22

nikech kitimo kamano to inege gi wich kuot, kendo Ruoth Nyasaye nomiyi pok.

1 Samuel 23:12

Eka Daudi nopenjo kendo niya, “Jo-Keila nochiwa kaachiel gi joga e lwet Saulo koso?” Ruoth Nyasaye nodwoke ni, “Ginichiwi.”

1 Samuel 23:7

Saulo nowinjo ni Daudi odhi Keila, mi nowacho niya, “Nyasaye osechiwe e lweta nikech kosedonjo e dala man gi rangeye kod radedi, to osemakore owuon.”

1 Samuel 24:10

Ne kaka Ruoth Nyasaye nende oketi e lweta ei rogo kawuono. Jomoko nende owachona ni mondo anegi, to naweyi. Nende awacho ni ok nater lweta kuom ruodha, nikech en ng’at mowir ma Ruoth Nyasaye oyiero.

1 Samuel 24:19

Ka ng’ato oyudo jasike, doweye mak onege koso? Emomiyo Ruoth Nyasaye mondo omiyi pok maber kuom tim misetimona kawuono.

1 Samuel 26:23

Ruoth Nyasaye ema miyo ng’ato ka ng’ato pok mowinjore gi timne makare kod adierane. Ruoth Nyasaye nende oketi e lweta, to nadagi tero lweta kuom ruoth mowir ma Ruoth Nyasaye oyiero.

1 Samuel 26:8

Abishai nowacho ni Daudi niya, “Nyasaye oseketo jasiki e lweti tinendeni. Yiena mondo achwowe dichiel gi tong’e, ariwe gi lowo, mak anwoyo lweta!”