1 Samuel 23:21 - MUMA MALER 2015

²¹ Saulo nodwokogi niya, “Ruoth Nyasaye mondo oguedhu, nikech usetimona maber.

Motingʼo Loko Manyien

²¹ Saulo nodwoko niya, “Jehova Nyasaye mondo ogwedhu kuom timona maber.

1 Samuel 23:21 ပူးပေါင်းရင်းမြစ်များ

Chakruok 20:13

Kuom mano kane Nyasaye ochika mondo awuog e dala wuora, kendo awuoth e pinje mamoko, nakwayo Sara niya, ‘Adwaro mondo itimna ng’wono kama. Kuonde duto ma wadhiye, to iwachie ni an owadu.’ ”

2 Samuel 2:5

nooro joote irgi, kowachonigi niya, “Ruoth Nyasaye mondo oguedhu, nikech nutimo ng’wono ni Saulo ruodhu, kuom yike.

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Jong’ad Bura 17:2

Nowacho ni min mare niya, “Donge iparo pesani alufu achiel gi mia achiel mane okwal, kendo kaka niluongo jakuogno ka awinjo? An gi fedhago. An ema nakwalogi, to koro adwokonigi.” Min mare nowachone niya, “Nyasaye mondo oguedhi, wuoda!”

1 Samuel 15:13

Samuel nodhi ir Saulo, mi Saulo owachone niya, “Ruoth Nyasaye mondo oguedhi. Asetimo gima ne Ruoth Nyasaye ochika.”

1 Samuel 22:8

Kara mano emomiyo uduto uriwona? Onge ng’ato kuomu mosenyisa ni wuoda notimo singruok gi wuod Jesse, bende onge ng’ato mane chunye okecha, kata mane onyisa ni wuoda nothuwo jatichna koda, mondo obutna, kaka otimo kawuononi.”

1 Samuel 23:22

Koro dhiuru, unon mondo ung’e maber kama opondoe, bende ung’e joma osenene kanyo, nikech osenyisa ni ogalagala ahinya.