1 Samuel 23:18 - MUMA MALER 2015

¹⁸ Mi ne gikuong’ore e nyim Ruoth Nyasaye ni osiep manie kindgi ok norum. Bang’ mano, Jonathan nodok dala, to Daudi nodong’ Horesh.

Motingʼo Loko Manyien

¹⁸ Kargi ji ariyogi negisingore e nyim Jehova Nyasaye. Eka Jonathan nodhi dala to Daudi to nodongʼ Horesh.

1 Samuel 23:18 ပူးပေါင်းရင်းမြစ်များ

2 Samuel 21:7

To ne ok ochiwo Mefibosheth wuod Jonathan ma wuod Saulo, nikech singruok ma notimo gi Jonathan e nying Ruoth Nyasaye.

2 Samuel 9:1

Daudi nopenjo niya, “Dipo kodong’ie ng’at moro ma ja dhood Saulo koso, mondo atimne maber, nikech hera mane aherogo Jonathan?”

1 Samuel 18:1

Kane Saulo otieko wuoyo gi Daudi,

1 Samuel 18:3

Jonathan gi Daudi ne joherore ahinya, omiyo ne gikuong’ore ni osiep manie kindgi ok norum.

1 Samuel 20:42

Jonathan nowacho ni Daudi niya, “Dhiyo gi kue. Wasesingore e nying Ruoth Nyasaye mobedo janeno e kindwa kodi, kendo e kind nyikwaya gi nyikwayi nyaka chieng’.” Eka Daudi nochung’, modhi, to Jonathan nodok dala.

1 Samuel 20:8

Emomiyo koro bedna jaadiera, nimar nikuong’orina e nyim Ruoth Nyasaye ni osiep manie kindwa ok norum. To ka aseketho, to nega in iwuon. Ang’o ma dimi itera ir wuoru?”

1 Samuel 21:1

Daudi nodhi Nob ir Ahimelek jadolo. Ahimelek nodhi romone ka kirni, mopenje niya, “Ibiro kendi nang’o, ma onge ng’at ma un go?”