1 Samuel 22:2 - MUMA MALER 2015

² Bende ji duto mane nigi chandruok moro amora, kaka gowi kata ng’ur, nochokore ire, ma dirom mia ang’wen, mi odoko jatendgi.

Motingʼo Loko Manyien

² Ji duto mane nigi chandruok kata mane nigi gowi kata nigi ngʼur moro amora nochokore modhi ire, mine obet jatendgi. Ne gin chwo madirom mia angʼwen mane ni kode.

1 Samuel 22:2 ပူးပေါင်းရင်းမြစ်များ

2 Samuel 17:8

Ing’eyo ni wuoru gi joge gin joma rateke, kendo koro giger mana ka ondiek moma nyithinde. To bende wuoru en jalweny mariek; Ang’ nonind mana kar kende, mopogore gi joge.

2 Samuel 5:2

E ndalo ruodhwa mokadho, kane Saulo pod ruodhwa, in ema nitelo ni jo-Israel e lwenjegi duto, kendo Ruoth Nyasaye nowachoni niya, ‘Inibed jakwadh joga Israel, kendo in ema nibed ruodhgi.’ ”

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

Ngeche 31:6

Joma tho, kendo joma chunygi lit ema mondo imi kong’o,

Mathayo 11:12

Chakre ndalo Johana Jabatiso nyaka chil kawuono, ji osebedo kadwaro donjo e Piny Ruodh Polo gi teko, kendo joma rateke ema donjoe,

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Jo-Hibrania 2:10

Nyasaye mane ochweyo gik moko duto mondo otine ne dwaro mondo okel nyithinde mang’eny e duong’ne maler. Omiyo noneno ni ber mondo omi jal matelonigi e warruok bed ng’ama kare chuth bang’ neno sandruok.

Jong’ad Bura 11:3

Mi Jeftha noringo oa kuom owetene, modhi odak e piny Tob. Kuno noyudoe jomoko ma acheje mi obedo jatendgi.

Jong’ad Bura 18:25

Jo-Dan nowachone niya, “Kiriek to kik iwach gimoro, nimar wan ji ma chunygi lit, kendo kapo nono wagore kuomi, to mano ema dibed thoni kaachiel gi joodi!”

1 Samuel 1:10

Chuny Hana ne chandore, kendo nolamo Ruoth Nyasaye, koywakne malit.

1 Samuel 22:3

Daudi noa kanyo, modhi Mizpe e piny Moab. Nowacho ni ruodh Moab niya, “Akwayi, yie mondo wuora gi mama odag kodi, nyaka chop ang’e gima Nyasaye biro timona.”

1 Samuel 23:13

Omiyo Daudi nowuok gi joge duto mia auchiel, modhi kamoro amora mane ginyalo dhiye. Kane Saulo owinjo ni Daudi oseringo oa Keila, ne ok odhi kuno.

1 Samuel 25:13

Eka Daudi nowacho ni joge niya, “Ng’ato ka ng’ato mondoo otue liganglane!” Mi ne gitimo kamano giduto, koda ka Daudi bende. Eka ji ma dirom mia ang’wen nodhi gi Daudi, to ji mia ariyo nodong’ ka rito gigegi.

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”