1 Samuel 22:16 - MUMA MALER 2015

¹⁶ To ruoth nowachone niya, “Nyaka itho, Ahimelek, in gi joodu duto!”

Motingʼo Loko Manyien

¹⁶ To ruoth nowacho niya, “Nyaka itho, in Ahimelek gi joodu duto.”

1 Samuel 22:16 ပူးပေါင်းရင်းမြစ်များ

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Daniel 2:12

Kane ruoth owinjo kamano, mirima mager nomake, mogolo chik mondo oneg jong’adne rieko duto.

Daniel 2:5

Ruoth nowachonigi niya, “Asechano ni ka ok unyisa tiend lekno, to abiro jako embeu gi bedeu, kendo abiro loko uteu gundni-gundni.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Tich Joote 12:19

Herode nogolo chik mondo odware, to ne ok ginyal yude. Omiyo ne onono jorit ahinya, eka nowacho ni mondo oneggi. Bang’e noa Judea odhi Kaisaria, mobet kuno kuom kinde moko.

Rapar mar Chik 24:16

“Kik neg wuone nikech richo mag nyithinde, kata kik neg nyithindo nikech richo mag wuonegi, to ng’ato ka ng’ato noneg mana nikech richone owuon.

1 Samuel 14:44

Saulo nowacho niya, “Nyasaye mondo okweda ka ok itho. Jonathan, in nyaka itho!”

1 Samuel 20:31

Ndalo duto ma wuod Jesse osiko ka ngima e piny, in ok nidongi. Emomiyo koro or wach, iomnago, nikech nyaka otho!”

1 Samuel 22:15

Kawuono eka achako penjone wach kuom Nyasaye koso? Ooyo, ok kamano! Kik ruoth jig wach kuoma, kata kuom joodwa duto, nimar nakiya wachno chuth.”

1 Samuel 22:17

Eka ruoth nowacho ni jorit ma nochung’ bute niya, “Dhiuru, uneg jodolo mag Ruoth Nyasaye, nikech gin bende giriwore gi Daudi. Ne ging’eyo ni oringo to ne ok ginyisa.” To jotich ruoth notamore nego jodolo mag Ruoth Nyasaye.