1 Samuel 21:5 - MUMA MALER 2015

⁵ Daudi nodwoko jadolo ni, “Adier, waseritore kuom mon, kaka watimo pile kwadhi kedo. E wuodhe duto mwadhiye jolweny ritore maler, to kawuono ok digibed maler moloyo?”

Motingʼo Loko Manyien

⁵ Daudi nodwoke niya, “Adier wasebedo mabor gi mon, mana kaka wajatimo kinde ma awuok oko. Ringre chwo to ler kata mana e ote moko ma ok ler. To koro kawuononi digibed maler maromo nade!”

1 Samuel 21:5 ပူးပေါင်းရင်းမြစ်များ

Wuok 19:14

Musa nolor oa e got, moduogo ir ji. Nopwodhogi, kendo ne gilwoko lepgi.

Wuok 19:15

Nowachonigi niya, “Ikreuru, kendo kik uriwru gi mon, mondo orucha oyud ka usepwodhoru.”

Wuok 25:30

To makati miketo e nyima pile nyaka bed e mesano ndalo duto.

Tim jo-Lawi 24:9

Makatigo nodong’ ni Harun gi nyikwaye, kendo ginichamgi kamoro moyang ni Ruoth Nyasaye, nikech en mich maler moloyo. En pok migolone nyaka chieng’ kuom misengni miwang’o ni Ruoth Nyasaye.”

Tim jo-Lawi 8:26

Eka nodhi e odheru moting’o makati ma ok ketie thowi mane ni e nyim Ruoth Nyasaye, mokawoe makati achiel ma ok ketie thowi gi kek achiel moted gi mo, kod chapat achiel, moketogi e wi boche gi em ma korachwich.

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

1 Jo-Korintho 7:5

Kik utuonru gima owinjore, mak mana ka uwinjoru e kindu uwegi kuom kinde matin mondo uyud thuolo mar lemo. Eka bang’e uchak ubed kaachiel, nono to Satan otemou nikech ok unyal ritoru.

1 Petro 3:17

Ber mondo uyud chandruok nikech tim mabeyo, kapo ni mano e gima Nyasaye dwaro, moloyo yudo chandruok kuom tim maricho,