1 Samuel 20:5 - MUMA MALER 2015

⁵ Daudi nodwoke niya, “Kiny due nopor, kendo owinjore abed gi ruoth e chiemo. To we adhi apond e lek nyaka chop odhiambo mar chieng’ mar adek.

Motingʼo Loko Manyien

⁵ Omiyo Daudi nowacho niya, “Winji, kiny en Sawo mar Dwe manyien kendo nitie budho ma onego bed ni achiemo gi ruoth, to we adhi apondi oko nyaka chop odhiambo mar orucha.

1 Samuel 20:5 ပူးပေါင်းရင်းမြစ်များ

2 Ruodhi 4:23

Chwore nopenje niya, “Ang’o momiyo idwaro dhi ire kawuono? Due pok opor, bende ok en chieng’ Sabato.” Nodwoke ni, “Adhi adhiya.”

Zaburi 55:12

Ka da bed ni jasigu ema jara, to da adhil adhila. Kata ka da bed ni ng’at mapiem koda ema sungorena to da apondone.

Zaburi 81:3

Gouru tung’ ka due opor, kendo ka due otegno, kunyisogo ni gin ndalo mag nyasi.

Ngeche 22:3

Ng’at man gi rieko neno chandruok kabiro, kendo tang’. Ng’at ma riekone tin to mwomore amwoma e chandruok, eka achien oywago ang’e.

Amos 8:5

Uwacho kendu uwegi niya, “Mad ndalo mag lemo mar due manyien rum piyo, mondo waus cham.” Bende upenjoru niya, “Ndalo mag Sabato biro rumo karang’o, mondo wagol chambwa warundi? Eka wanyalo keto nengo mamalo, kendo tiyo gi rapim ma ok ni kare mondo wawuondgo jong’iewo!

Kwan 10:10

E kinde ma utimoe nyasi, gi ndalo moketi mutimoe sewni, kod chieng’ mokwongo mar due ka due, unugo tung’ kutimo misengni miwang’o pep, kod misengni mag sawo, mi tungego nomi Ruoth Nyasaye ma Nyasachu paru. An e Ruoth Nyasaye ma Nyasachu.”

Kwan 28:11

“To chieng’ due achiel mar due ka due nyaka uchiw nyiruedhi ariyo gi im achiel kod nyiimbe abiriyo ma hikgi achiel achiel mondo otimgo misango miwang’o pep. Jamnigo duto nyaka bed maonge songa.

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Tich Joote 17:14

Gikanyono owete nogolo Paulo mondo odhi e dhonam. Sila gi Timotheo to ne odong’ adong’a Beria.

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.

1 Samuel 19:2

To Jonathan nohero Daudi ahinya. Omiyo nonyiso Daudi wach niya, “Saulo wuora dwaro negi. Emomiyo tang’, mondo kiny ipond gokinyi kama ogeng’ore.

1 Samuel 20:18

Eka Jonathan nowacho ni Daudi niya, “Kiny due nopor, kendo kiny nong’ere ni ionge, nikech komi nobed nono.

1 Samuel 20:19

To kochopo orucha, to nong’ere ni ionge chuth. Omiyo chieng’no dhiyo kuma nipondoe chieng’ cha, ibed but pidh kite.

1 Samuel 20:24

Kamano Daudi nodhi mopondo e pap kendo kane due opor, ruoth nodhi e sawo.

1 Samuel 20:27

Kinyne, kane due osepor, kom Daudi ne pod ni nono, mi Saulo nopenjo Jonathan wuode niya, “Marang’o wuod Jesse ok osebiro e chiemo, nyoro kata kawuono?”

1 Samuel 20:4

Eka Jonathan nopenjo Daudi niya, “Ere gima idwaro mondo atimni?”

1 Samuel 20:6

Kapo ni wuoru oneno ni aonge, to iwachne ni, ‘Daudi nokwaya ahinya mondo ayiene oring odhi dalagi Bethlehem, nikech ndalogi ema joodgi duto timoe misango mar higa.’