1 Samuel 20:41 - MUMA MALER 2015

⁴¹ Kane rawera osedhi, Daudi noa kar pidh kite, mokulore didek, eka ne gimosore gi Jonathan, mi giywak giduto, to Daudi noywak moloyo.

Motingʼo Loko Manyien

⁴¹ Bangʼ ka wuowino nosedhi, Daudi nowuok yo milambo mar dir kidi, mi okulore piny e nyim Jonathan nyadidek ka lend wangʼe mulo piny. Eka ne gimosore ma giywak giduto to Daudi noywak moloyo.

1 Samuel 20:41 ပူးပေါင်းရင်းမြစ်များ

Chakruok 29:11

Eka nonyodho Rahel, kendo oywak.

Chakruok 29:13

To kane Laban owinjo ni Jakobo wuod nyamin obiro, nodhi piyopiyo mondo oromne. Nokwake monyodhe, eka nokele dala, bang’e Jakobo nonyiso Laban gik moko duto mane osetimore,

Chakruok 33:4

Esau noringo kadhi romone, kendo nokwake monyodhe, mi ne giywak giduto.

Chakruok 42:6

Koro, kaka Josef ne jatend Misri, en ema ji moa e pinje duto ne rundo kuome cham. Emomiyo, owetene nobiro mogoyo chonggi piny, kendo okulorene nyaka e lowo.

Chakruok 43:28

Ne gidwoke niya, “Ee, ruoth, wuonwa pod ngima.” Eka ne gigoyo chonggi piny, mi gikulore e nyime nyaka e lowo.

Chakruok 45:15

Bang’ mano nonyodho owetene duto, kendo noywak kokwakogi. Eka owetene nowuoyo kode.

2 Samuel 1:2

Chieng’ mar adek ka Saulo osetho, ng’at moro nobiro moa e lweny koyiecho lepe, kendo obuko wiye buru. Kane ochopo ir Daudi, nokulore piny, komiye duong’.

2 Samuel 1:26

Ne ageni ahinya, kendo gen ma nigenago ne lich miwuoro. Ne okadho hera ma mon herogo chwogi.

2 Samuel 14:4

Kane chi Tekoano obiro ir ruoth, nogoyo chonge piny, nyaka e lowo, komiye duong’ mowacho niya, “Ruoth, konya.”

2 Samuel 19:39

Ji duto nong’ado aora Jordan, to ruoth nodong’, ka goyo ni Barzilai oriti. Nonyodhe kendo oguedhe, eka Barzilai nodok dalane.

2 Samuel 9:6

Kamano Mefibosheth wuod Jonathan, ma wuod Saulo nobiro ir Daudi, mogoyo chonge piny nyaka e lowo. Daudi noluonge niya, “Mefibosheth.” Mi nodwoke ni, “Antie ruoth.”

1 Ruodhi 1:16

Bathsheba nolung’ore ni ruoth, ka miye duong’ mi ruoth nopenje gima odwaro.

1 Ruodhi 1:23

Nochopo ir ruoth, mogoyo chonge piny, kokulorene nyaka e lowo.

1 Ruodhi 1:31

Bathsheba nogoyo chonge piny, mokulore nyaka e lowo, komiyo ruoth duong’, mi nowacho niya, “Ruodha, mondo idag nyaka chieng’.”

Tich Joote 20:37

Ne giywak ahinya giduto mi gipodho kuome, kendo gigoyone oriti ka ginyodhe.

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 18:3

Jonathan gi Daudi ne joherore ahinya, omiyo ne gikuong’ore ni osiep manie kindgi ok norum.

1 Samuel 20:40

Bang’e Jonathan nomiye gige mag lweny, kowachone ni mondo otergi dala.

1 Samuel 24:9

mi owachone niya, “Marang’o iyie gi joma wacho ni Daudi dwaro timoni marach?

1 Samuel 25:23

Kane Abigail oneno Daudi, noreto molor e kanje, kendo nogoyo chonge piny e nyime, mokulore nyaka e lowo.