1 Samuel 20:3 - MUMA MALER 2015

³ To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”

Motingʼo Loko Manyien

³ Daudi to nowacho ka kwongʼore niya, “Wuoru ongʼeyo malongʼo kaka igena mi osewacho e chunye ni, ‘Jonathan ok onego ngʼe wachni nikech chunye nyalo bedo gi lit.’ Kata kamano akwongʼora gi nying Jehova Nyasaye mangima to gi nyingi ni kinda gi tho odongʼ mana ondamo achiel.”

1 Samuel 20:3 ပူးပေါင်းရင်းမြစ်များ

2 Samuel 15:21

To Itai nodwoko ruoth niya, “Gi nying Ruoth Nyasaye, kendo gi nyingi iwuon, kamoro amora midhiye, kanyo ema an bende nabedie, kata e tho, kata e ngima.”

2 Ruodhi 2:2

Elija nowacho ni Elisha niya, “Yie idong’ ka, nikech Ruoth Nyasaye oora nyaka Bethel.” To Elisha nodwoke ni, “Gi nying Ruoth Nyasaye, kendo gi nyingi iwuon, ok naweyi.” Omiyo ne gidhi nyaka Bethel.

2 Ruodhi 2:4

Elija nowacho ni Elisha niya, “Yie idong’ ka, nikech Ruoth Nyasaye oora nyaka Jeriko.” To nodwoke niya, “Gi nying Ruoth Nyasaye, kendo gi nyingi iwuon, ok naweyi.” Omiyo ne gidhi nyaka Jeriko.

2 Ruodhi 2:6

Eka Elija nowachone niya, “Yie idong’ ka, nikech Ruoth Nyasaye oora nyaka aora Jordan.” To nodwoke niya, “Gi nying Ruoth Nyasaye, kendo gi nyingi iwuon, ok naweyi.” Omiyo ji ariyogo nodhi adhiya.

Zaburi 116:3

Tho ne otueya gi tondene, kendo masiche mag liel nolwora. Parruok gi kihondko nomaka!

Jeremia 38:16

Kane ruoth Zedekia owinjo kamano, nosingore ni Jeremia ling’ling’ niya, “Akuong’ora gi nying Ruoth Nyasaye mangima mane ochueyowa ni ok nanegi, kendo ok nachiwi e lwet joma dwaro negi.”

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Rapar mar Chik 28:66

Ok unung’e gima biro timorenu, kendo unubed gi kihondko odiechieng’ gotieno, mi ok unung’e sa thou.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Jo-Hibrania 6:16

Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.

1 Samuel 1:26

mowacho niya, “A jaduong’, an e dhako mane ochung’ kalamo Ruoth Nyasaye cha.

1 Samuel 17:55

Kane Saulo oneno Daudi kadhi kedo gi ja-Filistia, nopenjo Abner jatend jolweny niya, “Abner, wuowino en wuod ng’a?” Abner nodwoke ni, “Ruoth, ok ang’eye ngang’.”

1 Samuel 20:2

Jonathan nodwoke ni, “Ngang’! Ok odwar negi. Wuora ok tim gimoro amora, mak onyisa. Ere gimomiyo wuora dipanda wachni? Ok en kamano.”

1 Samuel 20:4

Eka Jonathan nopenjo Daudi niya, “Ere gima idwaro mondo atimni?”

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 27:1

Daudi noparo niya, “Chieng’ moro Saulo nonega. Onge gimoro maber ma datim, mak mana karingo adhi e piny jo-Filistia. Mano eka Saulo nowe lawa, nikech kata komanya machal nadi e piny Israel duto, to ok nonwang’a, kendo natony kaa e lwete.”