1 Samuel 20:2 - MUMA MALER 2015

² Jonathan nodwoke ni, “Ngang’! Ok odwar negi. Wuora ok tim gimoro amora, mak onyisa. Ere gimomiyo wuora dipanda wachni? Ok en kamano.”

Motingʼo Loko Manyien

² Jonathan nodwoke niya, “Onge. Ok ibi tho! Winji, wuonwa ok tim gimoro amora, bedni oduongʼ kata otin, ma ok onyisa. Angʼo madimi opandna wachni? Ok en kamano!”

1 Samuel 20:2 ပူးပေါင်းရင်းမြစ်များ

Chakruok 44:7

to ne gidwoke niya, “Ruoth, ere gimomiyo iwuoyo kamano? Ok ne wanyal kata mana paro timo kamano!

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Ngeche 29:24

Ng’at moyie kawo gik ma jakuo okwalo hinyore kende owuon, nikech ong’eyo ni okuong’ ng’at ma ok hul gima rach moseneno, to kata kamano pod ok onyal hulo, nimar ong’eyo bende ni kohulo to dikume.

Isaya 50:5

Ruoth Nyasaye oseyawo ita, mi ok asetamora winjo wachne, bende ok aselokora mi aweye.

Luka 20:16

Donge obiro biro, mi oneg jogo, kendo okaw puodho mi omi jopur moko nono?” To kane ji owinjo kamano, ne giwacho ni, “Ngang’! Mano ok nyalre!”

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Johana 17:8

Asehulonigi wach mane imiya, mi girwako, kendo giseng’eyo maonge kiawa ni ne aa iri adier, bende giseyie ni in ema ne iora.

Joshua 22:29

Ok wanyal piem gi Ruoth Nyasaye, bende ok wanyal weyo luwe, kwagero kendo machielo, to mak mana mano mar Ruoth Nyasaye ma Nyasachwa mochung’ e dho Hema Maler.”

Joshua 24:16

Jo-Israel nodwoko Joshua niya, “Ok wadwar weyo Ruoth Nyasaye kata matin, mondo wati ni nyiseche mamoko.

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 20:1

Daudi noringo oa Nayoth e Rama. Nodhi ir Jonathan, nopenje niya, “Ang’o ma asetimo? Ere kethona? Ere gima rach ma wuoru oneno ni asetimo momiyo odwaro nega?”

1 Samuel 20:12

Eka Jonathan nowacho ni Daudi niya, “Akuong’ora e nying Ruoth Nyasaye ma Nyasach Israel ni kiny kata orucha, sa makama, nang’e gima wuora paro. Ka ayudo ni wach ber kuomi, to nanyisi.

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”

1 Samuel 9:15

To chieng’ motelo ni biro mar Saulo, Ruoth Nyasaye noyudo osefwenyore ni Samuel, ka wachone niya,