1 Samuel 20:13 - MUMA MALER 2015

¹³ To ka wuora dwaro timoni marach, mi ok anyisi mondo itony, to Ruoth Nyasaye mondo okweda. Ruoth Nyasaye obed kodi, kaka yande obet gi wuora.

Motingʼo Loko Manyien

¹³ To ka wuora nigi chuny mar hinyi, to aweyo ma ok anyisi kendo konyi mondo itony idhi gi kwe, to mondo Jehova Nyasaye ochwada malit. Mad Jehova Nyasaye obed kodi mana kaka osebedo gi wuora.

1 Samuel 20:13 ပူးပေါင်းရင်းမြစ်များ

2 Samuel 19:13

Wachuru ni Amasa bende ni, ‘Donge ing’eyo ni in kod an wan remo achiel? Nyasaye mondo okweda ka ok aketi jatend jolweny kar Joab.’ ”

2 Samuel 3:35

Ne gihoyo Daudi mondo ochiem, to piny ne pod odiechieng’, omiyo Daudi nokuong’ore, kawacho niya, “Nyasaye mondo okweda, kapo ni achiemo, kata abilo gimoro ka pok chieng’ opodho.”

2 Samuel 7:15

to ok nagol herana kuome, kaka nagolo kuom Saulo, ma nariembo mondo oweni thuolo.

1 Ruodhi 1:37

Ruoth Nyasaye mondo obed gi Solomon kaka ne en kodi, kendo lochne obed maduong’ moloyo mari.”

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

1 Weche mag Ndalo 22:11

Koro wuoda, Ruoth Nyasaye ma Nyasachi obed kodi, kendo oguedhi, mondo igerne Hekalu, kaka nosingore.

1 Weche mag Ndalo 22:16

molony e tije mopogore opogore mag dhahabu gi fedha gi mula kod nyinyo. Omiyo koro chak tich, kendo Ruoth Nyasaye mondo obed kodi!”

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Jo-Filipi 4:9

Timuru gik moko duto mane apuonjou, kendo uyudo kuoma, bende ma usewinjo ka awacho kata ka atimo. Eka Nyasach kue nobed kodu.

Joshua 1:5

Onge ng’at ma nosiri nyaka chieng’. Anabed kodi kaka nabet gi Musa. Ok naweyi kata jwang’i ok najwang’i.

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”

1 Samuel 10:7

Ka ranyisigo otimoreni, to tim gima ineno ni ber, nikech Nyasaye ni kodi.

1 Samuel 14:47

Kane Saulo obedo ruodh Israel, nokedo gi wasike duto koni gi koni, moloyogi kuonde duto modhiye. Ne gin jo-Moab, gi jo-Amon, gi jo-Edom, gi ruodhi mag Zoba, kod jo-Filistia.

1 Samuel 17:37

Daudi nomedo wacho niya, “Ruoth Nyasaye moseresa e kok sibuoche, kendo e kok ondiegi, biro resa e lwet ja-Filistiani bende.” Saulo nowacho ni Daudi niya, “Ara dhiyo, kendo Ruoth Nyasaye obed kodi.”

1 Samuel 18:12

Noyudo ka Ruoth Nyasaye oseweyo Saulo, to koro ni kod Daudi, emomiyo Saulo noluoro Daudi.

1 Samuel 19:3

An to kiny nawuog machung’ but wuora e pap kama intie, kendo nawuo kode kuomi. Ka awinjo wach moro, to nanyisi.”

1 Samuel 20:12

Eka Jonathan nowacho ni Daudi niya, “Akuong’ora e nying Ruoth Nyasaye ma Nyasach Israel ni kiny kata orucha, sa makama, nang’e gima wuora paro. Ka ayudo ni wach ber kuomi, to nanyisi.

1 Samuel 20:14

Ka ok atho, to bedna jaadiera, kaka Ruoth Nyasaye dwaro. To ka atho,

1 Samuel 25:22

Nyasaye mondo okweda ka aweyo kata ng’at achiel madichwo kuom joge kangima kawuononi!”

1 Samuel 3:17

Eli nopenje niya, “Wach ang’o ma Ruoth Nyasaye onyisi? Asayi, kik ipandago. Nyasaye mondo okwedi kipanda wach moro kuom weche duto ma nowachoni.”