1 Samuel 20:1 - MUMA MALER 2015

¹ Daudi noringo oa Nayoth e Rama. Nodhi ir Jonathan, nopenje niya, “Ang’o ma asetimo? Ere kethona? Ere gima rach ma wuoru oneno ni asetimo momiyo odwaro nega?”

Motingʼo Loko Manyien

¹ Eka Daudi noringo koa Nayoth e gwengʼ Rama mine odhi ir Jonathan mopenje niya, “Angʼo masetimo? Ere kethona? Rach mane ma asetimo ne wuonu, momiyo odwaro kawo ngimana?”

1 Samuel 20:1 ပူးပေါင်းရင်းမြစ်များ

Zaburi 54:3

Josunga biro mondo omonja. Ee, jokwinyo dwaro nega. Gin ji ma ok dew Nyasaye.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,

1 Johana 3:21

Osiepena, ka chunywa nyisowa ni bura ok oloyowa, to wanyalo biro e nyim Nyasaye gi chir

1 Samuel 12:3

Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

1 Samuel 19:1

Saulo nowuoyo gi Jonathan wuode, kendo gi joge duto, ni mondo gineg Daudi.

1 Samuel 19:18

Kamano Daudi noringo, motony. Nodhi Rama ir Samuel monyise gik moko duto mane Saulo osetimone. Eka ne gidhi gi Samuel, mi gidak Nayoth.

1 Samuel 20:2

Jonathan nodwoke ni, “Ngang’! Ok odwar negi. Wuora ok tim gimoro amora, mak onyisa. Ere gimomiyo wuora dipanda wachni? Ok en kamano.”

1 Samuel 20:32

To Jonathan nodwoko Saulo wuon mare niya, “Ere gimomiyo dotho? Ang’o mosetimo?”

1 Samuel 24:11

Bende wuora, ng’i ine riak lawi manie lweta. Nang’ade to ne ok anegi. Mano nyalo nyisi ni aonge gi paro mar timoni marach kamano. Kata obedo ni ilawa mondo inega, an to pok akethoni.

1 Samuel 24:12

Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.

1 Samuel 24:17

komedo wacho ni Daudi niya, “In ng’at makare moloya, nikech isetimona maber, to an to asetimoni marach.

1 Samuel 24:9

mi owachone niya, “Marang’o iyie gi joma wacho ni Daudi dwaro timoni marach?

1 Samuel 26:18

Marang’o ilawa, to an mana jatichni? En ang’o masetimo? Koso rach manadi miseneno kuoma?