1 Samuel 2:8 - MUMA MALER 2015

⁸ Ogolo jachan e buru, kendo oting’o ng’ama odhier a e pidh yugi, mondo omiye bedo e kom moyiedhi kaachiel gi ruodhi. Mise mar piny en mar Ruoth Nyasaye, kendo orenjo piny kuome.

Motingʼo Loko Manyien

⁸ Otingʼo jachan malo kogolo e buru kendo otingʼo ngʼama odhier malo kogolo e ipidh yugi; omiyo gibedo kaachiel gi yawuot ruodhi bende omiyo gibedoe kombe moyiedhi. “Nimar mise mag piny gin mag Jehova Nyasaye, kanyo ema oserenjoe piny ngima.

1 Samuel 2:8 ပူးပေါင်းရင်းမြစ်များ

Chakruok 41:14

Kane Farao owinjo kamano, nooro wach mondo okelne Josef, mi ne gikele piyopiyo ka gigole e od twech. Noliedo, moloko lepe, eka nobiro ir Farao.

Chakruok 41:40

Abiro keti jatend pinya kendo joga duto biro winjo chikni. An kende ema naloyi gi duong’ nikech an ruoth.”

2 Samuel 7:8

Bende nyis Daudi ni Ruoth Nyasaye Manyalo Gik Moko duto owacho kama: ‘Ne agoli e lek, kuma nikwayoe rombe, mondo ibed jatend joga Israel.

1 Ruodhi 16:2

“Ne amiyi duong’ kagoli e buru, kendo naketi jatend joga Israel, to eka iluwo timbe Jeroboam, kendo imiyo joga Israel obedo joketho, ka gimiya mirima nikech richogi.

2 Ruodhi 9:6

Mi Jehu noa malo, modonjo e ot. Eka janabino noolo mo e wiye, kawachone ni Ruoth Nyasaye ma Nyasach Israel owacho niya, “Aseyieri mondo ibed ruodh Israel.

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Ayub 2:8

Ayub nodhi mobet e buch kendo, mi okawo mbalatago mondo ogwonyrego.

Zaburi 102:25

Chon gi lala ne ichueyo piny, kiketo mise mare, kendo ne iloso polo gi lweti iwuon.

Zaburi 104:5

Iseguro piny ewi mise mare, mondo kik ong’ingni ngang’

Zaburi 107:41

Oreso jochan kuom chandruokgi, kendo omiyo ginya mang’eny.

Zaburi 24:2

Ne oketo mise mag piny kuom nam. Ee, nochunge ma ok ong’ingni kuom nam matut.

Zaburi 75:3

Kata obedo ni piny oyiengni, mi ji duto modakie kihondko omako, to an ema nagur mise mage motegno.

Zaburi 75:4

Akwero josunga niya, ‘Weuru sungoru!’ Joricho bende akwero ni, owe kawore.

Zaburi 75:7

to Nyasaye e jang’ad bura. Odwoko ji moko piny, to moko oting’o malo.

Isaya 22:23

Enobed jatelo ma nomi joodgi yud duong’, kendo anagure matek, mana ka musmal.

Daniel 2:48

Eka ne oketo Daniel e tich maduong’ mi omiye gik mabeyo mathoth. Nokete jaduong’ gweng’ Babulon, kendo nokete jatend jong’ad rieko duto e Babulon.

Daniel 4:17

nikech mano e wach mane malaike ma jorit ong’ado mondo ji modak e piny ong’e ni Nyasaye Maduong’ Moloyo ema nigi loch kuom pinje duto mae piny. Onyalo keto ng’ato ang’ata modwaro obed ruoth, kata dabed ni en dhano adhana.’ ”

Daniel 6:3

Piyopiyo nono, Daniel ne nenore ni nyalo tiyo maber ahinya moloyo jotelo kod jodongo mamoko duto. Kuom mano, ruoth noparo mondo okete jatend pinye duto.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.