1 Samuel 2:7 - MUMA MALER 2015

⁷ Ruoth Nyasaye kelo dhier, kendo okelo mwandu. Odwoko piny, bende oting’o malo.

Motingʼo Loko Manyien

⁷ Jehova Nyasaye ema kelo dhier gi mwandu, josunga odwoko piny, to joma muol otingʼo malo.

1 Samuel 2:7 ပူးပေါင်းရင်းမြစ်များ

2 Ruodhi 9:6

Mi Jehu noa malo, modonjo e ot. Eka janabino noolo mo e wiye, kawachone ni Ruoth Nyasaye ma Nyasach Israel owacho niya, “Aseyieri mondo ibed ruodh Israel.

1 Weche mag Ndalo 29:12

Mwandu gi duong’ a kuomi, kendo in ema irito ji duto. Teko gi nyalo bende ipogo ni ji.

2 Weche mag Ndalo 32:27

Hezekia ne nigi mwandu mang’eny kod huma maduong’. Noloso ut keno mag kano fedha gi dhahabu gi kite ma nengogi tek gi gik mang’ue ng’ar gi okumbni kod gik moko mabeyo mopogore opogore.

2 Weche mag Ndalo 32:29

Bende nogero mier modakie, kendo nobedo gi rombe gi dhok mogundho, nimar Nyasaye nomiye mwandu mang’eny ahinya.

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Ayub 40:12

Ee, ng’igi, mondo igolgi e duong’ ma gin go, kendo irwad joma timbegi richo mana kuonde ma gichung’ie!

Ayub 5:11

Adier, Nyasaye ema ting’o joma odhier malo, kendo oreso joma okuyo.

Zaburi 102:10

nikech mirimbi mager. Iseyudha, mi iwita mabor!

Zaburi 75:7

to Nyasaye e jang’ad bura. Odwoko ji moko piny, to moko oting’o malo.

Zaburi 75:8

Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

Ngeche 22:2

Onge pogruok moro e kind jachan gi jamoko, nimar Ruoth Nyasaye nochueyogi giduto.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Jeremia 49:15

Un jo-Edom, Ruoth Nyasaye biro miyo ogandau dok manyap, kendo onge ng’ama biro miyou luor.

Ezekiel 17:24

Yien duto mae piny nong’e ni an Ruoth Nyasaye ema atong’o yien maraboche, to amiyo yien matindo dongo maboyo. Bende an ema amiyo yien mang’ich two, kendo amiyo yien motwo chako doko mang’ich. An Ruoth Nyasaye ema awacho kamano, kendo abiro timo gima asewacho.”

Jakobo 4:10

Bolreuru e nyim Nyasaye, eka enoting’u malo.